Duhen edhe 90 minuta qe Vllaznia te shijoje kualifikimin, por duket se te gjithe ne kampin shkodran tashme e quajne ate nje formalitet. Jo me shume per dobesi te kundershtarit, por per besimin qe kane te vetja. Te njejten gje thekson edhe trajneri Agim Canaj, i cili kerkon nga te tijte qe te jene te kujdesshem ne ndeshjen e kthimit, pasi kundershtari e demonstroi edhe ne Slloveni se nuk e pertyp lehte eliminimin. "Mund te them se skuadra dha maksimumin ne kete ndeshje, - thote Canaj. - Morem nje rezultat shume te mire. U mbeshtetem gjithmone te forca e grupit. Duke pare qe eshte nje tur me dy ndeshje dhe prandaj ne synuam nje fitoren qe do te na e bente me te lehte kualifikimin ne shtepi". Megjithate ai kerkon kujdes per ndeshjen e kthimit. "Ishte nje ndeshje e veshtire, pasi luanin perballe skuadrave me mire te organizuara ne infrastrukture dhe ne shume drejtime te tjera, - vazhdon me tej trajneri. - Duke e ditur se ata e kane filluar shume me shpejt fazen pergatitore dhe kampionatin dhe duke pasur nje kontingjent te stabilizuar. Ne kishim besim te forcat tona dhe e nisem me shume besim edhe lojen. Kishim mundesi edhe te trefishonim ne rastet e shumta qe krijuam. Ata na vune nen presion per gjate gjithe pjese se dyte, megjithate ne ia dolem. Nese ne ndeshjen e kthimit do te jemi te perqendruar si ne ndeshjen e pare, me siguri do te mund te arrijme kualifikimin".