SHPERTHIMI/ Morand Hoxhaj u shtrua menjehere ne spital ne gjendje te rende, teksa iu nenshtrua operacioneve



VLORE - Plagoset dhe ndodhet ne gjendje te rende anetari i keshillit bashkiak te Vlores, Morand Hoxhaj. Automjeti i tij ka shperthyer mbreme rreth ores 21:40 ne lagjen "Isa Boletini", ne kohen qe Hoxha sapo ka dale nga makina. Behet e ditur se 43-vjecari ka parkuar ne afersi te shkolles 9-vjecare "Ismail Qemali" ku mesohet te kete edhe shtepine. Pikerisht ne kohen qe keshilltari ka zbritur, automjeti i tij tip "Benz 240" i bardhe, me targa qe nuk mund te lexohen per shkak te demeve, ka shperthyer, teksa dyshohet se shperthimi eshte bere me telekomande. Nje sasi e konsiderueshme lende shperthyese, tritol, eshte vendosur ne te, saqe makina eshte kthyer ne nje grumbull hekurash, ndersa Morand Hoxhaj ka mbetur i plagosur dhe ne gjendje te rende.
Shperthimi ka sjelle ne vendngjarje policine, ndersa 43-vjecari eshte derguar per ne spital me urgjence, ku i eshte nenshtruar operacioneve, ndersa ndodhet ne gjendje te rende. Bluzat e bardha nuk japin asnje informacion, teksa presin qe te kaloje nata.
Askush nuk ka pranaur te flaes lidhur me shkaqet qe kane cuar ne nje hakmarrje kaq te dhunshme kundrejt anetarit te keshillit bashkiak te qytetit, ndersa zyrtarisht policia shprehet se po hetohet ne pista te ndryshme pa perjashtuar asgje. Pavaresisht se mes qytetareve te Vlores Hoxhaj njihet si nje person i qete, burime te brendshme nga policia shprehen se nje nga pistat ku po hetohet, jane prishjet e pazareve.
Morand Hoxhaj u prangos nga policia e Vlore ne muajin prill te vitit te kaluar per armembajtje pa leje. Por arrestimi i tij zgjati shume pak, pasi ai doli dhe u lirua nga akuzat, duke vijuar edhe detyren e tij si anetar i keshillit bashkiak. Ne vitin 2007, kur dhe u be pjese e keshillit, ai ishte nen siglen e LSI-se, ndersa me pas kaloi nen siglen e PS-se, bashke me disa anetare te tjere te keshillit.