Transferimi te greket e Trasivulos Fylis, vetem ne janar

Endri Vrapi dhe Erbim Fagu do te jene perforcimet me te fundit te Elbasanit. Verdheblute synojne ndertimin e nje skuadre konkurruese dhe me dy ish-lojtaret e Tiranes, ne sezonin e ri ata do te pretendojne qe te pakten te jene ne luften per nje vend ne kupat e Evropes. Vrapi dhe Fagu kane zhvilluar nje periudhe prove tek ekipi i Superliges greke, Trasivulos Fylis, madje duke qene fare prane nenshkrimit. Por firma nuk ka ardhur, pasi drejtuesit e klubit kane kerkuar qe fillimisht futbollistet te zhvillojne fazen pergatitore me pjesen tjeter te ekipit. Kjo vonese, e cila me vone mund t‘i penalizonte ne gjetjen e nje ekipi, i ka detyruar mbrojtesin dhe mesfushorin me tipare sulmuese qe te shtyjne akordin me Trasivulos per ne merkaton e janarit. Ne fundjave ata do t‘i bashkengjiten Elbasanit, edhe sepse klubi verdheblu i ka kerkuar me ngulm sherbimet e tyre per kampionatin 2008/09. Nje tjeter futbollist shqiptar prane transferimit te klubi helen ishte edhe portieri Ervin Llani.