KORÇE/ Besim Karaj braktiset nga te afermit e vet, si dhe nga bashkeshortja. Askush se viziton ne burg

KORÇE- Besim Karaj braktiset nga familjaret, ne pritje te gjykimit per vrasjen e trefishte. Vrasesi i vellezerve Mulliri ne ditet pa liri shprehet se eshte i deshperuar qe nuk ekzekutoi bashkeshorten. Ne gjendje jo fort te mire shendetesore, per shkak te problemeve ne kembe, 40-vjecari nga Thumana e Krujes eshte duke u trajtuar nga mjeket. I martuar ne Vidohove, fshatin kufitar qe e tmerroi me krimin e tij, prej disa ditesh i vetedorezuari ne polici eshte duke vuajtur problemin me kembet. Ecja e gjate per me shume se dy dite nga vendi i ngjarjes ne kufi me Greqine deri ne Thumane, i ka sjelle te arrestuarit per krimin e vrasjes se trefishte enjtje te kembeve. Me disa mjekime qe ka marre nga ana e mjekut te burgut, gjendja e Karajt eshte permiresuar, bejne te ditura per gazeten burime te mirinformuara ne Burgun e Drenoves vetem 3 kilometra larg Korces. Nga data 1 shkurt kur ai ka perfunduar ne duart e policise, mbahet ne dhomat e paraburgimit te burgut te Drenoves ne rrethin e Korces. Komisariati i rrethit te Devollit ku konsumoi vepren e rende penale i ndaluari, nuk ka dhoma paraburgimi, ndaj dhe per te pasur nen kontroll te plote kete te arrestuar, ai ndodhet ne masa te larta sigurie ne nje nga dhomat e paraburgimit bashke me kater te paraburgosur te tjere.
Mesohet nga te njejtat burime se 40-vjecari, babai i tre femijeve, iu ka rrefyer ngjarjen ndonese jo me shume detaje shokeve te tij te dhomes. Pengu i tij mesohet te jete ai qe nuk mundi te vrase bashkeshorten ashtu sikunder veproi me vellezerit Mulliri, madje nuk ndihet aspak i penduar. I vetmi shqetesim i diteve te para te izolimit, eshte ai i kembeve, te cilat eshte duke i mjekuar. Por nga te njejtat burime mesohet gjithashtu se 40-vjecari ka nje sjellje te zakonshme sikur te mos kishte ndodhur asgje qe tronditi jo vetem banoret e nje fshati ne cep te juglindjes. Refreni i bisedave te tij eshte ai i mosekzekutimit te te shoqes.
Nderkaq, familjaret e kane braktisur 40-vjecarin duke mos treguar asnje lloj interesi per te ne prokurori apo edhe ne burg. Asnje i aferm i tij nga Thumana nuk ka preferuar te mberrije ne Korce, nderkohe persa i perket bashkeshortes duket se gjithcka mes tyre ka marre fund. I vetmi mbeshtetes i Karajt ka qene nje ish-bashkefshatar i tij nga vendlindja me banim ne Korce, i cili i ka cuar disa paketa cigare ne burg, megjithese nuk njihej me pare me te. Ky fakt eshte bere i ditur per gazeten nga burime te mirinformuara ne burgun e Drenoves, si nje gjest qe ne fakt i ka cuditur te gjithe.