TIRANE- Cmimet e larta te karburanteve jane bere vertet nje kercenim per ecurine e ekonomise vendase. Importuesit me shumice vazhdojne te bejne te paditurin, pavaresisht thirrjeve bere nga shoqata te ndryshme apo nga foltorja e kuvendit ne lidhje me uljen e cmimeve. Gjate diteve te fundit, bursat nderkombetare kane pesuar luhatje te medha te cmimit te naftes nderkohe qe ne tregun vendas ato vazhdojne te reflektohen me *hapin e breshkes*.

Para dy ditesh cmimi i nje fucie nafte zbriti ne nivelin e 52 dollareve dhe kjo ne tregun vendas u reflektua me nje ulje prej vetem tre leke. Sipas te dhenave, nje liter benzine javen e kaluar, ka dale nga dogana me nje cmim 84 leke. Ne te perfshihet cmimi i blerjes, kosto e transportit, tatimin mbi vleren e shtuar, akciza, dhe taksa e karbonit. Pavaresisht kostos prej 85 lekesh, ne tregun me pakice ajo eshte tregtuar me 130 deri 135 leke per liter.

Ne nje situate ku cmimi i karburanteve ne Shqiperi mbetet i pandryshuar megjithese ne bursat nderkombetare ka pesuar nje ulje te konsiderueshme, Zyra per Mbrojtjen e Qytetareve, i fton keta te fundit te protestojne duke mos iu afruar per nje dite pikave te shitjes me pakice. *ZMQ fton te gjithe drejtuesit e automjeteve te solidarizohen me kete greve kombetare duke kerkuar qe te henen, date 1 dhjetor, ata te qendrojne larg pikave te karburanteve per 24 ore, si mjeti i pare i protestes ndaj karteleve te fundit ne Europe*, theksohet ne njoftimin per shtyp te kesaj zyre.

Nepermjet kesaj proteste synohet te shprehet pakenaqesia e konsumatoreve ndaj cmimeve te kripura te cilat vazhdojne te rrisin gjithnje e me shume koston e jeteses. Nga nje vezhgim i iniciuar nga ankesat e vazhdueshme te konsumatoreve, ZMQ arriti ne konkluzionin se situata e cmimeve te naftes dhe nenproduktet e saj eshte skandaloze dhe se kontrollohet teresisht nga kartelet qe sot operojne ne kete treg.

Nga vezhgimi i kesaj zyre, eshte vene re gjithashtu se kompanite e naftes bien dakord midis tyre per mbajtjen e nje niveli te njejte cmimesh. *Cmimi ulet dhe ngrihet nga nje dore ne te njejten ore ne qindra pika karburanti ne gjithe Shqiperine*, citohet nga ZMQ-ja. Sipas saj, ne tregun e karburanteve vihet re edhe mungesa e organeve shteterore ne permbushjen e detyrave qe u perkasin, sic eshte mbrojtja e interesave te qytetareve.