Mospershtatja me orarin e gares shihet si shkaku kryesor i deshtimit te peshengritesit ne Lojerat Olimpike

Ka zhgenjyer ne perfaqesimin e tij peshengritesi Gerti Trasha ne Lojerat Olimpike "Pekin 2008". Trasha, i cili merr pjese per here te dyte ne nje olimpiade, nuk ka mundur te ngreje asnje peshe ne tri provat e shkeputjes. E ka nisur konkurrimin e tij ne peshen 69 kg me 136 kg ne proven e tij te pare dhe nuk ka mundur ta ngreje kete peshe as ne dy provat e tjera, duke u skualifikuar nga gara. Sipas shefit te misionit te ekipit tone olimpik, Fidel Ylli, shkaku kryesor eshte mospershtatja e duhur me orarin e gares.

Konkurrimi per peshengritesin tone me oren e Pekinit ka nisur ne oren 10.00 (ora 4.00 e mengjesit me oren tone). "Per mua, shkaku kryesor qe Gerti Trasha nuk arriti te ngrinte asnje peshe eshte pikerisht mospershtatja me orarin e gares. Sipas programit, gara per te niste ne oren 10.00 (ora 04.00 e mengjesit ne Shqiperi), nderkohe qe ai duhej te ishte ne pallatin e sportit ku zhvilloheshin garat qe ne oren 8.00 me oren e pekinit (ora 02.00 e nates ne Shqiperi).

Por per te mberritur ne pallat ne oren e caktuar duhej te ngrihej nje ore perpara. Nuk dua aspak te shfajesoj peshengritesin Gerti Trasha, por mendoj se kjo qe ndodhi eshte nje gabim i trajnereve, qe nuk arriten t'i ambientonin sportistet me orarin e garave,"- shprehet shefi i misionit, Fidel Ylli, i cili eshte po aq i zhgenjyer per kete perfaqesim.

Qe ne momentin e nxehjes, Trasha ka lene te kuptoje se do ta kishte shume te veshtire garen. Ai gjithsesi ka hyre me synimin per te ngritur 136 kg ne stilin e pare, ate te shkeputjes, dhe nuk ka mundur ta ngreje shtangen ne tri provat e mundshme te ketij stili. Kesisoj, ai eshte skualifikuar nga konkurrimi dhe nuk ka marre pjese as ne stilin e dyte, ate te shkeputjes. Kjo sepse ne garat olimpike klasifikimi per peshengritjen behet ne baze te peshes qe ke ngritur ne te dy stilet, pra ne dygaresh.

Duke qene se Trasha nuk ka mundur te regjistroje asnje peshe ne stilin e pare, nuk eshte klasifikuar per dygareshin. Gerti Trasha konkurroi ne baterine B te peshes 69 kg. Objektivi i tij ishte klasifikimi nder 8-10 me te miret e kesaj peshe. Gjithsej ne peshen 69 kg kane konkurruar 30 peshengrites, te cilet u ndane ne dy grupe A dhe B, bazuar ne deklarimet qe kane bere paraprakisht peshengritesit para gares. Gerti Trasha dhe trajneri i tij Ilir Cela paten deklaruar se si objektiv ne konkurrimin e tij ne Lojerat Olimpike kishin ngritjen ne total te 315kg.

Nga 30 peshengrites qe moren pjese. 6 prej tyre, perfshi edhe Trashen, nuk jane kualifikuar ne dygaresh, duke humbur provat ne dy stilet e shtanges, shkeputje dhe shtytje. Kampion olimpik i peshes 69 kg u shpall perfaqesuesi i Kines Liao Hui, me 348 kg ne dygaresh, i ndjekur nga Dabaya Tientcheu Vencelas i Frances me 338 kg ne dygaresh dhe ne vend te trete armeni Tigran Gevorg Martirosian me 338kg.