Sipas drejtorit te Kontrollit per Mjedisin, Deshati, u miratua vendimi per kontrollin e nivelit te zhurmave. Ja oraret dhe masat ndeshkimore

Te gjithe ata qe prishin qetesine e banoreve ne zonat e banuara dhe turistike, do te marrin masa ndeshkimore shume te renda. Madje, tashme me Vendim te Keshillit te Ministrave jane percaktuar edhe oraret e reja per subjektet qe gjenerojne zhurme dhe ndotje akustike, te cilat duhen zbatuar me korrektesi.

Kete e ben te ditur drejtori i Kontrollit per Mjedisin ne Ministrine e Mjedisit, Alfred Deshati, i cili thekson se do te kete masa te rrepta per monitorimin e zbatimit te normave kufi te zhurmes.

Sipas tij, vendimi Per monitorimin dhe kontrollin e nivelit te zhurmave ne qendrat urbane dhe turistike, u miratua pas shqyrtimit ne mbledhjen e radhes te Keshillit te Ministrave

Oraret

Problematika e konstatuar vitet e fundit, dhe vecanerisht gjate periudhes se veres, te shkaktuar nga lokalet dhe diskotekat te cilat pervec problemeve shendetesore qe sjellin me zhurmen qe krijojne, paraqesin shqetesim dhe per mjedisin ne teresi, ka sjelle edhe vendimin ku percaktohen oraret e funksionimit, te gjitha subjekteve qe gjenerojne zhurme dhe ndotje akustike, pertej normave te lejuara, dhe konform standardeve te OBSH-se.

Keshtu, Alfred Deshati pohon se per ambientet e hapura, per diten e premte dhe te shtune, orari i lejimit te aktivitetit do te jete 19 00 - 24 00, ndersa per ditet e tjera te javes, orari i lejimit te aktivitetit do te jete 19 00 - 23 00, duke respektuar nivelin e lejuar te zhurmes te percaktuara ne Udhezimin e Perbashket te Ministrit te Mjedisit dhe Ministrit te Shendetesise Per nivelet kufi te zhurmave ne mjedise te caktuara.

Per ambientet e mbyllura aktiviteti do lejohet pa kufizime orari, duke respektuar nivelin e lejuar te zhurmes te percaktuara ne Udhezimin Nr.8 date 27.11.2007 Per nivelet kufi te zhurmave ne mjedise te caktuara, - pohon Deshati.

Ndeshkimet

Tashme ndeshkimet per ndotjen akustike do te jene ne shifra marramendese deri ne mbyllje te aktivitetit per subjektin qe i shkakton ato. Sipas Alfred Dervishit, per monitorimin e zbatimit te normave kufi te zhurmes, Inspektoriati i Mjedisit dhe Agjencia Rajonale e Mjedisit ne bashkepunim me Institutin e Shendetit Publik dhe me mbeshtetjen e vazhdueshme te strukturave te Policise se Shtetit do te kryejne matjet dhe vleresimin e nivelit te zhurmes.

Per te gjitha rastet qe do te konstatohet shkelja e dispozitave te ligjit Per mbrojtjen e mjedisit, ligjit Per vleresimin dhe administrimin e zhurmes ne mjedis dhe VKM Per monitorimin dhe kontrollin e nivelit te zhurmave ne qendrat urbane dhe turistike, do te merren masat administrative, denim me gjobe deri ne 2 000 000 leke (te reja) dhe pezullim te aktivitetit gjenerues te ndotjes akustike.