Publikuar me : 01.10.2011 Ne :
Kronike - 86 Lexime. Origjina : Gazeta Shekulli
Një kalimtar me biçikletë është përplasur nga një makinë para pak orësh në aksin rrugor Ura Dajlanit-Plepa në qytetin e Durrësit. Në këtë aksident mbeti i vdekur 14-vjeçari Retmir Gjurgjaj, banor i lagjes Nr. 8 Durrës, i cili u përplas nga një makinë tip fuoristradë benz me targa Tr: 7803 M në afërsi të stacionit Iliria, ndërsa po ecte me biçikletë.
I aksidentuari ndërroi jetë rrugës për në spital, për shkak të plagëve të rënda që kishte marrë, ndërsa autori i aksidentit Ilir Serjani 43 vjeç nga Fieri u largua me automjetin e tij nga vendi i ngjarjes.
Arratia e 43 vjeçarit sipas policisë së Durrësit ka zgjatur vetëm pak minuta, pasi ky i fundit gjatë drejtimit të mjetit ka humbur kontrollin duke u përplasur me një tjetër automjet. Policia ka mbërritur menjëherë në vendngjarje ku ka bërë të mundur ndalimin dhe më pas shoqërimin për në komisariatin e policisë autorin e aksidentit me pasojë vdekje.
Mbi 43- vjecarin nga Fieri rëndon akuza e shkeljes së rregullave të qarkullimit rrugor me pasojë vdekje. Policia e Durrës po heton për rrethanat e aksidentit të rëndë.
Autobusi i aksidentuar (foto Stavri Marko)
I PËRDITËSUAR – 23:30 – Kryeministri, Sali Berisha, i cili ndodhet në Çikago për të marrë pjesë në samitin e NATO-s ka bërë të ditur se do të niset papërfunduar samit. “Po shkoj drejt aeroporti për t’u kthyer në Shqipëri, pavarësisht se vazhdon një takim, unë jam nisur sepse duhet të kthehem në kohën më të parë të mundshme”, është shprehur Berisha.
22:50 - Presidenti i Republikës, Bamir Topi, ka...
