Aksident ne Perrenjas, humb jeten 39-vjecari

Publikuar me : 29.09.2011 Ne : Kronike - 41 Lexime. Origjina : Gazeta Shekulli

Një aksident me pasojë vdekjen e një personi ka ndodhur mbrëmjen e djeshme në aksin rrugor Librazhd-Qafë Thanë në vendin e quajtur Fushë-Rrajcë.

Burime nga policia bëjnë të ditur se në aksident janë përfshirë një kamion me targa të Korçës 1416 B që drejtohej nga shtetasi Dritan Dine 35 vjeç dhe automjeti tjetër me targa gjermane B 984 N që drejtohej nga shtetasi Gjergji Kanani 39 vjeç nga Elbasani. Nga përplasja e fortë e mjeteve ka gjetur vdekjen e menjëhershme drejtuesi i autoveturës Gjergji Kanani.

Në vendin e ngjarjes u ngrit menjëherë një grup hetimor për të zbardhur rrethanat e aksidentit dhe sipas hetimeve paraprake shkak është bërë shpejtësia tej normave të lejuara me të cilin udhëtonte autovetura e cila në momentin e aksidentit ecte në krah të kundër të rrugës. Policia e Elbasanit shoqëroi drejtuesin e kamionit Dritan Dine deri në zbardhjen e plotë të ngjarjes.