Publikuar me : 26.01.2012 Ne :
Kuriozitete - 78 Lexime. Origjina : Gazeta Shekulli
Balkan Insight: Çfarë panorame të demokracisë shqiptare dhe zbatimit të ligjit kemi pasi është bërë e ditur se tre zyrtarë të shtetit janë arrestuar për vrasjen e protestuesve dhe pas komplotit për të zhdukur provat e 21 janarit (filmimet në serverin e kryeministrisë)?
Gabriel Partosh: Akuzat e reja janë shumë serioze, për shkak se përfshijnë një komplot në nivele të larta brenda qarqeve qeveritare për të fshirë provat e asaj që duket se është një aktivitet kriminal. Akuzat janë një tjetër goditje për reputacion e Shqipërisë sa i përket sundimit të ligjit. Është një reputacion që është dëmtuar tashmë seriozisht gjatë viteve të fundit.
Balkan Insight: Kryeministri Sali Berisha e konsideron 21 janarin një grusht shteti të orkestruar nga prokurori i përgjithshëm, presidenti, kreu i shërbimit sekret dhe opozita. Ai së fundmi ka kërcënuar se do arrestojë prokurorin e përgjithshëm dhe presidentin kur të largohen nga detyra.
Gabriel Partosh: Kërcënimi për të arrestuar zyrtarët e lartë të përfshirë në zbatimin e ligjit dhe në gjyqësor duket se janë një ndërhyrje serioze në drejtësi. Është në kundërshtim me ndarjen e pushteteve mes ekzekutivit dhe gjyqësorit, që është një gur themeli i demokracisë.
Balkan Insight: A duhet të tolerojë BE një sjellje të tillë nga një vend kandidat apo duhet të flasë hapur e me forcë kundër?
Gabriel Partosh: BE përpiqet që t’i përzgjedhë fjalët me kujdes dhe rrallë flet me forcë, vetëm në rast se bëhet fjalë për kërcënime të mëdha për paqen ndërkombëtare ose për shtypje në shkallë të gjerë nga regjime diktatoriale. Me një vend aspirant si Shqipëria është ndryshe, ka marrëdhënie më konstruktive. Por pikëpamjet e BE në lidhje me Shqipërinë janë të qarta, dhe dështimi i Shqipërisë për dy vite radhas për të siguruar statusin e vendit kandidat për anëtarësim në BE, është një provë e pikëpamjes së BE-së për çështjen.
Gabriel Partosh, analist i Economist Intelligence Unit
