Sherr i madh ka plasur mes Ministrise se Jashtme dhe kompanise qe prodhon pasaportat biometrike.
Sic ishte njoftuar edhe nga deklaratat e shumta te Ambasades Shqiptare ne Athine, pasaportat duhet te kishin filluar perpara Vitit te Ri ne ambasade.
Te gjitha aparaturat kompania i ka cuar ne Athine. Punonjesit jane trajnuar dhe tashme pritet qe te filloje sherbimi, mirepo ka dale nje problem i madh.


Burime ekskluzive te Ministrise se Jashtme thane se kompania kerkon qe per cdo pasaporte biometrike te marre 108 euro,nga 95 qe ishte thene nga Ferdinand Poni disa muaj me pare.
Kjo eshte arsyeja qe emigrantet shqiptare qe jetojne dhe punojne ne Greqi, nuk po pajisen akoma me pasaporten biometrike.
Ne nje periudhe kaq te veshtire qe po kalojne emigrantet shqiptare, ku ne shumicen e rasteve punojne 2-3 dite ne jave, kompania kerkon te rriti tarifen nga 95 ne 108 euro, kur ne Shqiperi tarifa eshte 43 euro.
Punonjesit qe do te sherbejne emigrantet me pasaporta jane te Ministrise se Jashtme, ambientet ku do te behen procedura e pasaportave eshte e Ambasades, ndersa kompania ka vetem aparaturat.


Ky fakt ka sjelle nje sherr te madh midis kompanise dhe Ministrise se Jashtme, ku kjo e fundit kembengul qe cmimi te mos rritet, pasi ambasada ka bere te ditur gjendjen e rende te emigranteve dhe po lufton per te ulur tarifen.
Derisa kompania dhe ministria te gjejne gjuhen midis tyre, emigrantet duhet te presin shume akoma.