Publikuar me : 16.12.2011 Ne :
Sport - 84 Lexime. Origjina : Gazeta Shekulli
Endi Tufa
Barcelona formalizon kualifikimin në finalen e Botërorit të Klubeve që po zhvillohet në Japoni. Kampionët e Evropës e kthyen në shëtitje ndeshjen ndaj kampionëve të Azisë, katariotëve të Al Saad-it, duke fituar me rezultatin 4-0. Katalanasit luajtën “simfoninë” e tyre që në minutat e para të takimit, me pasa të shumta dhe dominimin e tapetit të blertë. Nuk vonoi shumë që Mesi me shokë ta shihnin veten në avantazh, sepse mbrojtësi Adriano e kaloi topin në rrjetë në minutën e 25-të dhe dyfishoi rezultatin 2 minuta përpara fundit të pjesës së parë. Edhe fraksioni i dytë i lojës foli për “alienët” nga Spanja.
Të dirigjuar nga treshja Ksavi-Mesi-Iniesta, ata shënuan edhe dy herë në portën kundërshtare me Keitën dhe Maksuellin, duke i vënë kapakun një ndeshjeje që rrit edhe më shumë prestigjin e tyre në arenën ndërkombëtare. Në finalen e 18 dhjetorit, djemtë e Guardiolës do të përballen me Santosin e talenteve Nejmar, Ganso e Danilo, të komanduar nga trajneri me eksperiencë, Ramalho. Një tjetër përballje yjesh që përveç kupës, do të luhet edhe për të vendosur një gur mbi zërat që e shikojnë talentin Nejmar më shumë si pasardhësin e Pelesë sesa të yllit aktual të Barcelonës, Mesi.
Erjon Bogdani
Kombëtarja e Shqipërisë ka fituar ndeshjen miqësore përballë Katarit. Ndeshja e luajtur në Madrid ka përfunduar me rezultatin 2-1.
Pjesa e parë ka përfunduar 0-0 ndërsa që në minutën e parë të pjesës së dytë kombëtarja kuqezi ka kaluar në avantazh me anë të Elis Bakajt.
Rezultati është dyfishuar katër minuta më pas me anë të golit të realizuar nga Erjon Bogdani, me anë të penalltisë.
Ndërsa ekipi i Katarit ka arritur të ngushtojë diferencën tre...
