Noteri qe kaloi pronen tek Aldo Bare ne vitin 1998, deshmoi dje ne gjykate se pati kercenime ndaj aksionereve

TIRANE- Sa te jem gjalle une, askush smund ta marre apo ta gezoje pronen time, Lagunen e Karavastase. Ky qe kercenimi i radhes i Aldo Bares i njohur si kreu i bandes se Lushnjes, qe beri dje gjate seances se 38 gjyqesore ne Gjykaten per Krime te Renda ne kryeqytet. Gjate seances se djeshme, trupi gjykues, me kerkese te avokatit mbrojtes, administruan ne fashikullin e gjykimit deshmine e shtetasit Alfred Karroqi me detyre noter prane qytetit te Lushnjes.

I thirrur me cilesine e deshmitarit te mbrojtjes, noter Karroqi tregoi rrugen ligjore te ndjekur nga ai per te kaluar pronesine e Lagunes se Karavastase nga ish-pronaret tek i pandehuri Aldo Bare me ane te kontratave individuale me ish-pronaret.

Gjate deshmise se tij, reagoi Aldo Bare, qe perforcoi deshmine e noterit Karroqi per kalimin e pronesise qe eshte bere ne menyre te rregullt ligjore. Me tej ai leshoi kercenime ndaj atyre qe duan ta blejne Lagunen e Karavastase. Ate lloj ndermarrje nuk do te lindin burra qe te ma marrin derisa te jem gjalle. Lagunen time nuk e merr njeri.

Sa te jem une gjalle askush nuk do te marre pronen time,-tha Bare. Ne kete menyre ai drejtoi kercenimet personave te interesuar prane Ministrise se Financave per blerjen e Lagunes se Karavastase, e konfiskuar me vendim te Gjykates se Apelit per Krime te Renda.

Sic duket, i pandehuri Bare prej kohesh ka nuhatur se prona e tij pritet te dale ne shitje dhe ka nisur te leshoje kercenime drejt pronareve te mundshem qe duan ta blejne. Deshmitari Karroqi ne asnje rast nuk u shpreh se kontratat nga ish-pronaret jane firmosur me dhune.

Çdo kontrate individuale eshte firmosur nga ish-pronaret brenda rregullit dhe ligjit me vullnet te plote te paleve. Ne asnje rast nuk kam konstatuar se ish-pronaret ishin te detyruar apo jane kercenuar per firmosjen e shitjes dhe kalimit te pronesise,- tha noteri Karroqi. Sipas tij, i pandehuri Bare kishte nje ndermarrje peshkimi qe me pas bleu aksionet ne Divjake duke mbajtur nje pjese te mire te punetoreve ne pune.

Une apo firmetaret e kontrates nuk jemi ndjere te kercenuar, kam kryer detyren time si noter per te kaluar aktet e pronesise. Kjo lagune ka qene ne pronesi te shume personave.

Kontrata eshte lidhur me vullnetin e plote te paleve dhe ka qene e rregullt, nuk ka pasur kercenime me arme per te detyruar kalimin e pronesise- tha Karroqi. Po kete qendrim, kane mbajtur edhe disa nga ish-pronaret e Lagunes qe ia kane shitur ate te pandehurit Bare.

Disa te tjere kane akuzuar kreun e bandes se i ka detyruar me ane te ushtareve te tij te firmosin shitjen e Lagunes se Karavastase. Ne perfundim te deshmise se noterit Karroqi, i pandehuri Bare dhe avokati i tij, kerkuan thirrjen ne cilesine e deshmitarit te mbrojtjes Shkelqim Haxhiun. Ai akuzonte ushtaret e te pandehurit Bare se e kane rrembyer dhe djegur shtepine.