Publikuar me : 04.08.2011 Ne :
Ekonomi dhe Biznes - 175 Lexime. Origjina : Gazeta Shekulli
Në një letër që u ka dërguar vendeve anëtare të Eurozonës, presidenti i Komisionit Evropian, Hoze Manuel Barroso paralajmëroi sërish se kriza e borxhit të brendshëm po përhapet përtej periferisë së eurozonës.
Ai u ka kërkuar qeverive evropiane që të japin mbështetjen e tyre të plotë për monedhën e përbashkët. Barroso ka theksuar në këtë letër se qeveritë duhet të ringjallin Fondin Financiar Evropian të Stabilitetit, për të ulur rrezikun e një “epidemie” në eurozonë.
Aktualisht raportohet se Banka Qendrore Evropiane ka blerë obligacione, të cilat sipas agjencisë “Reuters” ishin lëshuar nga Portugalia dhe Irlanda, për të kapërcyer gjendjen e krizës. Sipas agjencisë së lajmeve BBC, këto dy vende, të prekura nga kriza, vlerësuan se ishte më shtrenjtë të merrje hua në tregjet e hapura dhe se BQE nuk kishte në plan të blinte obligacione të tjera.
Hidrocentrali i Vaut te Dejes, foto arkiv
Kompania çeke CEZ nuk i ka shlyer detyrimet ndaj Korporatës Energjetike Shqiptare, pavarësisht vendimit të qeverisë shqiptare të datës 29 shkurt të këtij viti, ku i vendosej kompanisë që të shlyente detyrimet brenda dy javëve.
Drejtori i Përgjithshëm i KESH-it, Engjëll Zeqo, u shpreh se, “detyrimi i CEZ-it arrin vlerën 10 miliardë lekë”, duke krijuar mungesë financiare dhe likuiditetesh në arkën e KESH-it. Nisur nga...
