Ministri i Jashtem i Shqiperise, Lulzim Basha, gjate takimit te pare zyrtar ne Tirane, me homologun e tij kosovar, Skender Hyseni, konfirmuan qendrimin e perbashket, se Kosova eshte nje rast i veçante. "Nuk mund te hiqet asnje lloj paralele mes rastit te pavaresise se Kosoves dhe asaj te Osetise dhe Abkhazise", ky ishte qendrimi i perbashket zyrtar, i bere publik te merkuren ne Tirane, nga dy ministrat e Jashtem te Shqiperise dhe Kosoves, perkatesisht Lulzim Basha dhe Skender Hyseni. Ne nje konference te perbashket per shtyp, duke iu pergjigjur interesimit te medias mbi kete çeshtje, ministri i Kosoves, Hyseni vuri ne dukje se "rasti i Kosoves dhe ai i shpalljes se pavaresise se Osetise dhe Abkhazise jane çeshtje krejtesisht te ndryshme". "Me te drejte Kosova eshte cilesuar si nje rast i veçante, ‘sui generis‘, nje rast qe nuk mund te krahasohet me asnje rast tjeter ne bote", tha Hyseni. Ne kete drejtim, ai konfirmoi qendrimin konstant te qeverise se Kosoves se "nuk mund te hiqen paralele dhe çdo perpjekje per te krahasuar keto raste, jane mision i pamundshem". Ndersa, ministri Basha i konsideroi si siperfaqesore argumentet qe paraqiten nga qarqe te caktuara ne rastin e paralelizmave te tilla dhe, sipas tij, "keto perpjekje synojne te terheqin vemendjen nga njeanshmeria e demonstruar nga Rusia, si ne rastin e Kosoves, ashtu edhe ne rastin e Osetise dhe Abkhazise". "Procesi i pavaresimit te Kosoves, veçanerisht ajo pjese e procesit te pavaresise, ku ka pasur nje perfshirje te plote te komunitetit nderkombetar, duke filluar me nderhyrjen e NATO-s ne Kosove dhe duke perfunduar me planin e Perfaqesuesit Special te Sekretarit te Pergjithshem, Ahtisari, pershkuan nje hark kohor prej 10 vitesh, me nje angazhim te perhershem te komunitetit nderkombetar", tha ministri Basha. Sipas tij, "e vetmja e perbashket eshte fakti se ky plan u perball ne rastin e Kosoves me kercenimin e njeanshem per veton te nje anetari permanent te Keshillit te Sigurimit, siç ishte Rusia, ashtu si bota u perball brenda nje periudhe trejavore me qendrimin e njeanshem te te njejtit anetar te perhershem te Keshillit te Sigurimit per te rivizatuar me force kufijte e nje shteti fqinj, Gjeorgjise". Ne perfundim, ministri Basha theksoi mbeshtetjen e plote te Shqiperise per integritetin dhe sovranitetin territorial te Gjeorgjise dhe per hapat e ndermarre nga NATO dhe BE, ne funksion te garantimit te paqes dhe sigurise ne Gjeorgji dhe rajon.