TIRANE- Arsimi konsiderohet si nje nder shtyllat kryesore qe do te ndikoje ne rritjen ose jo te menyre te qendrueshme te ekonomise se vendit.

Raporti i Bankes Boterore nxjerr ne pah mosplotesimin e nevojave qe ka biznesi per punonjes te kualifikuar, e cila sipas tij krijon mjaft probleme ne zgjerimin e aktivitetit te kompanive. Madje, raporti behet edhe me kritik ku cileson se kurrikulat e Universiteteve nuk perputhen fare me kerkesat e sotme te biznesit per tu zhvilluar.

Me se shumti, ne universitetet shqiptare, studentet diplomohen per shkenca humane nderkohe qe pjesa me e madhe e bizneseve kane nevoje per tekniciene.

Sipas te dhenave qe ofrohen nga raporti, Shqiperia ka numrin me te vogel te studenteve te diplomuar per inxhinieri ne raport me popullsine krahasuar me vendet e rajonit dhe ato te Bashkimit Europian. Vendi yne ka numrin me te madh te studenteve qe diplomohen per shkenca humane krahasuar me te gjithe shtetet perreth si dhe vendet e BE-se, ndersa mbeten pa u plotesuar kerkesat specifike te bizneseve per punonjes te afte.

Krahas orientimit te studenteve shqiptare ne shkencat humane, raporti i referohet edhe rezultateve te testit nderkombetar te performances ne te cilin Shqiperia renditet e fundit, nder vendet e rajonit si dhe te atyre te Europes Qendrore dhe Lindore.

Mungesa e aftesive shihet gjithmone e me shume si nje pengese per investimet, sidomos per teknologji moderne dhe procese komplekse. Punedhenesit kane nevoje per menaxhere, mungesa e menaxhereve te afte shpesh perben problem per zgjerimin e kompanive. Sistemi i arsimit nuk po i prodhon keto aftesi, deri diku per shkak te lidhjes se dobet midis nevojave dhe kurrikulave,-citon raporti.

Rendesi te vecante, BB i jep zhvillimit te teknologjise se informacionit dhe komunikimit. Raporti e vlereson te qenurin e ketij sektori prioritet i qeverise por thekson se vendit i mbetet ende shume per te bere qe te arrije standardet e nevojshme ne kete sektor.