BE-ja i jep Greqise 8 miliard euro

Publikuar me : 29.11.2011 Ne : Ekonomi dhe Biznes - 63 Lexime. Origjina : Gazeta Shekulli

(I përditësua)-  Më në fund Greqia mund të marr frymë lirisht për pak ditë. Bashkimi Evropian aprovoi këstin e gjashtë të ndihmës prej 8 miliardë eurosh për Greqinë. Agjencia e lajmeve ANSA bëri të ditur se vendimi u mor gjatë samitit të ministrave të Jashtëm të Financave në Bruksel të Eurozonës në Bruksel.

 

Brenda 15 ditëshit të parë të muajit dhjetor do të mbërrij në Greqi kësti i gjashtë. Ndërkaq ish-Kryeministri Jorgos Papandreu iu ka dërguar dje letër kreditorëve evropiane, për të shprehur mbështetje për qeverinë e Kryeministrit aktual Lukas Papademos, si dhe për angazhimet e kërkuara nga eurozona me qëllim lirimin e këstit të gjashtë.

*********


Venizelos: Ndihma financiare, Greqia optimiste

“Greqia është mjaftë optimiste sa i takon ndihmës financiare”. Ky ishte qëndrimi i mbajtur nga Ministri grek i Financave Evangjelos Venizelos, në lidhje me këstin e gjashtë për vendin.

“Greqia i përmbush të gjitha kushtet e nevojshme që të marrë një pjesë të 8 miliardë  eurove ndihmë financiare nga BE dhe nga FMN-ja, ndihmë kjo që i nevojitet për t’iu shmangur falimentimit”.

“Në Greqi ne i kemi të gjitha kushtet e nevojshme në mënyrë që të shkojmë përpara me pagesën e radhës, me programin e ri, si dhe me përfshirjen e sektorit privat”, tha Venizelos gjatë një takimi në Bruksel.

Ky takim mendohet të zhbllokojë fondet për Greqinë pas shumë javësh pasigurie, gjë që shtyu vendin në një katastrofë të tmerrshme financiare.