BE ultimatum Italise Masat antikrize, para se merkures

Publikuar me : 23.10.2011 Ne : Rajoni - 93 Lexime. Origjina : Gazeta Shekulli

Në samitin më të vështirë në historinë e Eurozonës, liderët e Bashkimit Europian i kanë dhënë ultimatum Italisë. Merkel dhe Sarkozi kanë kërkuar impenjimin konkret të qeverisë italiane për sa u përket masave antikrizë. Duke shprehur besimin e saj te kryeministri Berluskoni, kancelarja gjermane Merkel ka shtuar: “Shpresojmë që të merren të gjitha masat e nevojshme, sepse besimi ka nevojë për perspektiva të qarta”.

“Italia, – ka deklaruar Merkel nga Brukseli,- ka një forcë ekonomike të konsiderueshme, por ka gjithashtu një borxh publik shumë të lartë, i cili duhet të reduktohet në mënyrë të besueshme”.

“T’u jepet siguria  tregjeve dhe vendeve anëtare të BE deri të mërkurën. Kjo është puna që do të bëjmë së bashku me Italinë”, ka konkluduar presidenti i Këshillit të Europës, Herman van Rompuy, në konferencën përmbyllëse të takimit të BE.

“I kërkojmë Italisë një përpjekje që ajo është e gatshme ta bëjë. Ne i kemi kujtuar asaj se është shumë e rëndësishme të bëhet gjithçka është e nevojshme për të treguar përgjegjësinë e saj, duke marrë masa si në frontin e borxhit, ashtu edhe në atë të rritjes.   I kemi kërkuar Italisë të na japë sigurinë se masat e guximshme që duhet të marrë do të zbatohen menjëherë”, ka thënë Van Rompuy.