Berisha ne Lushnje, mohon 21 janarin

Publikuar me : 22.01.2012 Ne : Politike - 23 Lexime. Origjina : Gazeta Shekulli

Ndryshe nga një vit më parë, kryeministri Berisha dje më 21 janar është larguar nga Tirana dhe ka udhëtuar drejt Lushnjes me pretekstin për të kremtuar 92 vjetorin e “Kongresit të Lushnjes”. Në fjalimin e tij të gjatë Berisha është fokusuar vetëm tek Kongresi i Lushnjes dhe patriotët e asaj kohe duke mos përmendur në asnjë fjalë për 21 janarin e një viti më parë kur katër protestues u vranë nga Garda e Republikës përpara zyrës së tij. Në Lushnje, Berisha ka lavdëruar disa nga bashkëpunëtorët e tij, të cilët, sipas kryeministrit, janë pasardhës të personaliteteve të kohës. “Këtu para meje kam një pasardhës të imzot Luigj Bumçit. Rastësia bëri që ai sot është ministër i Kulturës dhe e ka me meritë këtë detyre. Së bashku me ne këtu sot, është Kryetarja e Parlamentit, pasardhëse e Ndoc Çobës. Ndoc Çobës i detyrohen të gjithë shqiptarët kurse ti i detyrohesh atij për pasionin për politikën dhe duhet të jesh krenare për të. Këtu është Drejtoresha e Arkivës së Shtetit, mbesa e Hoxha Kadrisë, ministrit të Drejtësisë së qeverisë së Lushnjës. Kemi këtu Princin Leka I, gjyshit të të cilit shqiptarët i detyrojnë ekzistencën e shtetit të tyre”,- tha Berisha.