TIRANE- Duke kerkuar qe 100 vjetori i Pavaresise ta gjeje vendin me Parlament dhe Stadium te ri, kryeministri Sali Berisha ka kerkuar njeherazi edhe ridimensionimin e figures se Ahmet Zogut.

Ne fjalen e tij gjate mbledhjes se qeverise, Berisha ka vleresuar lart rolin e Ismail Qemalit ne pavaresine e vendit, por ka shtuar se pa Mbreterine e Zogut ajo do te ishte thjesht nje iluzion.

Ne kete kontekst, ridimensionimi i figures dhe personalitetit te mbretit Zog eshte nje kusht moral i madh per te vendosur te verteten historike ne piedestalin qe meriton. E verteta historike eshte se ai erdhi ne pushtet me zgjedhje. Ai erdhi me zgjedhje per te shpetuar vendin e tij, por Ballkani i mbreterive nuk mund te toleronte regjime demokratike te zgjedhura. Ndaj e minuan nga te gjitha anet, per tu rikthyer pastaj dhe vendosur mbreterine ne kete vend. Theksova kete moment se pa mbreterine mbase pavaresia do te kishte qene nje akt iluziv, i paqendrueshem- tha Berisha.

Sipas tij, ishte Zogu I, mbreti i pare i shqiptareve, ai qe beri qe pavaresia te realizoi qellimin e saj, shtetin e ri e te pavarur te Shqiperise. E nisi si republike, i nderhyne me pyka dhe te tjera, por tregoi trimeri e vendosmeri te madhe dhe hodhi themelet e nje shteti shqiptar, me te njejtat standarde, ne mos edhe me te mira, sesa simotra te tjera, mbreteri ballkanike.

Duke folur me tej, Berisha ka keshilluar ministrat perkates qe buxheti duhet te fokusohet per pergatitjen e vendit per te pritur me dinjitet kete 100 vjetor.


Ky 100 vjetor te shenoje ndryshimin me te madh te ketij vendi, ai duhet ta gjeje kete shtet ne tempullin e vet te demokracise. Le te nise puna menjehere per te marre te gjitha vendimet e filluar sa me pare ndertimin e parlamentit. Nje konkurs u be, le te shikohen dhe njehere projektet. Te fillohet me projektin e zbatimit dhe Tirana duhet te kete ndertesen e re te parlamentit dhe njehere si nje ndertim modern te denje per Shqiperine- tha Berisha.


Me tej ai njoftoi se ndertimi i dyte modern dhe i madh do te jete stadiumi me modern i kryeqytetit. Jane me qindra dhe mijera fansa, tifoze qe bejne energjine e vertete te futbollit shqiptar, qe duan qe vendi te kete nje stadium te parametrave me moderne.
Ministria te shqyrtoje te gjitha variantet e mundshme qe kryeqyteti te kete nje nga stadiumet me moderne- tha Berisha.


Sipas tij, Vlora do kete investime te rendesishme, nderkohe qe buxheti te orientohet drejt ndryshimit me te madh te mundshem te vendit ne kuader te ketyre festimeve.