Publikuar me : 28.09.2011 Ne :
Politike - 39 Lexime. Origjina : Gazeta Shekulli
Një raport i Bankës Botërore është bërë sot tema kryesore për mbledhjen e qeverisë. Sipas kryeministrit Berisha, Shqipëria ka shënuar një progres të ndjeshëm përsa i përket lirisë ekonomike dhe kjo për shkak të qeverisjes së tij të mirë.
“Raporti i fundit i BB dhe disa universiteteve mbi lirinë ekonomike në botë dëshmon për një progres të ndjeshëm të Shqipërisë. Progresi i Shqipërisë 16 për qind, ndërsa në total për arsye të njohura të masave të diktuara nga kriza, liria ekonomike ka njohur regres. Ne në fushën e lirisë ekonomike kemi lënë mbrapa 12 vende anëtare të BE-së, këto vende shumë herë më të zhvilluara se Shqipëria, por kjo nuk mund të na bëjë ne aspak euforikë, por duhet të na motivojë fuqishëm të bëjmë gjithçka për zgjerimin e saj. Shqipëria i ka shpëtuar recesionit, krizës vetëm për shkak të modelit të bazuar në lirinë ekonomike.”, tha Berisha.
Sipas tij, mbajtja e këtij pozicioni të lakumeshëm, kërcënohet nga fryrja e administratës. “Kjo është një arritje thelbësore e madhe, por që kërkon nga të gjithë ministrat dhe nga drejtuesit e të gjitha agjencive të heqin nga mendja se mund të shtojnë qoftë dhe një njeri të vetëm në administratë. Koha dhe evolucioni bëjnë të domosdoshëm krijimin e sektorëve dhe agjencive të reja, të cilat duhet të plotësohen duke reduktuar ato të vjetrat. Një arritje kaq të madhe nuk mund ta kërcënojmë me fryrjen e organikave. Kjo administratë e vogël ka dëshmuar se është kjo promotore, projektuese, zbatuese e këtyre reformave, ka arritur eficiencë shumë herë më të madhe sesa kur ishte një administratë e fryrë, që kalonte kohën duke luajtur letra e duke hedhur fall në filxhan”, tha kryeministri.
Kryeministri tha se pozicionimi mirë i Shqipërisë në raportin e BB për lirinë ekonomike vjen si pasojë e uljes së shpenzimeve të qeverisë. “Në taksën e të ardhurave, Shqipëria është në 10-shen e parë, në shpenzimet e qeverisë, qeveri e kursyer. Pozicionohemi shkëlqyer në konkurrencën e bankave, jetëgjatësia mesatare në vend ka arritur në 79.4 vjeç, kur 5 vjet më parë 71 vjeç”, tha kreu i qeverisë, duke u kërkuar ministrave të studiojnë modelin e vendeve që renditen ën vendet e para të raportit.
Qendër e numërimit të votave / foto arkiv
Dy partitë kryesore kanë arritur më në fund të bien dakord për procesin e votimit dhe numërimit për zgjedhjet e ardhshme.
Pas rezervave të shprehur nga ekspertët e OSBE/ODIHR-it, PD dhe PS kanë modifikuar qëndrimin por në fund është rënë dakord për numërim elktronik.
OSBE/ODIHR shprehën shqetësim për dështim të zgjedhjeve për shkak të kohës së shkurtër që është në dispozicion për implementimin e kësaj praktike, që...
