Publikuar me : 06.12.2011 Ne :
Politike - 69 Lexime. Origjina : Gazeta Shekulli
Një ditë pas miratimit të buxhetit të viti të ardhshëm nga maxhoranca në Parlament, kryeministri Berisha e ka shndërruar atë në kryefjalën e mbledhjes së qeverisë.
Pak ditë pasi Banka Botërore dha alarmin për nivelin më të lartë të rajon të borxhit publik të Shqipërisë, kreu i qeverisë shprehet se buxheti i vitit 2012 garanton realizimin e objektivave të maxhorancës: stabilitet makroekonomik dhe mbajtje nën kontroll e nivelit të inflacionit.
“Buxheti i 2012, më i madhi në sfondin e krizës që nuk ia di kush fundin. Ekonomia shqiptare dhe modeli i saj është modeli i funksionimit dhe performancës. Ky është modeli që garanton realizimin e objektivave më ambicioz të maxhorancës: stabilitet makroekonomik dhe mbajtje nën kontroll të inflacionit. Në kohën e uljeve të rrogave dhe pensioneve ne votuam dje për rritjen e tyre. Buxheti garanton zbatimin e projekteve të Shqipërisë dixhitale për përvjetorin e 100 të pavarësisë së vendit. Buxheti mbështet shkolla, spitale, projektet e arrorëve, ullirit dhe pemëve të tjera frutore.
Sipas Berishës, buxheti i vitit të ardhshëm bazohet në “performancën dhe funksionimin e modelit që ka garantuar çdo vit rritjen ekonomike më të madhe në Europën në kulmin e krizës”.
Duke u ndalur në propozimet e opozitës për taksat dhe TVSH-në, Berisha i quajti ato marksiste. “I konsideroj si marksiste propozimet e opozitës për taksat në vend. Shpreh keqardhjen e thellë, për disa propozime të cilat synonin pikërisht mekanizmin themelor të modelit, zëvendësimin e modelit të tregut me modelin marksist”.
Sipas Berishës, propozimi i socialistëve për zëvendësimin e taksës së sheshtë me atë progresive çon në shkatërrimin e sistemit të refomave.
“Partia Socialiste kërkon rrënimin e vendit me slogane komuniste: Luftë kundër të pasurve. Këta duan të të shkatërrojnë me taksa, se si krijohen vendet e reja të punës, nëpërmjet investimeve. Varfëria nuk bëhet e zhbëhet duke shkatërruar të pasurit. Këtë e kanë provuar shqiptarët në kurrizin e tyre”, tha Berisha.
Ndërkohë, në një reagim në Twitter, kreu socialist ka reaguar ndaj deklaratave të shefit të qeverisë “me zemër të dhembshur”.
“Qeveria refuzoi propozimin tonë për uljen e taksave për rrogëtarët e zakonshëm dhe heqjen e TVSh-së për bukën, qumështin, ilaçet”, shkruan Rama.
Qendër e numërimit të votave / foto arkiv
Dy partitë kryesore kanë arritur më në fund të bien dakord për procesin e votimit dhe numërimit për zgjedhjet e ardhshme.
Pas rezervave të shprehur nga ekspertët e OSBE/ODIHR-it, PD dhe PS kanë modifikuar qëndrimin por në fund është rënë dakord për numërim elktronik.
OSBE/ODIHR shprehën shqetësim për dështim të zgjedhjeve për shkak të kohës së shkurtër që është në dispozicion për implementimin e kësaj praktike, që...
