Berisha- Rames Mos shkruaj vepra, por voto reformat

Publikuar me : 28.10.2011 Ne : Politike - 45 Lexime. Origjina : Gazeta Shekulli

Kryeministri Berisha i kërkoi opozitës që të heqë dorë nga praktika e bllokimit dhe të bashkëpunojë për reformat.

“Rama u dënua nga qytetarët e Tiranës dhe po përpiqet të bllokojë shqiptarët. Wshtë më mirë të ulemi të miratojmë ligjet sesa të shkruajmë vepra” është shprehur kryeministri ndërsa ka paralajmëruar se të gjithë ata të cilët do të përpiqen të bllokojnë do të marrin përgjigjen e merituar.

Këtë deklaratë kreu i qeverisë  e bëri në Tropojë ku ka mbërritur për një vizitë 4-orëshe. Sipas njoftimit të faqes zyrtare të Këshillit të Ministrave, Berisha “në orën 10:00 inaguron aksin Bajram Curri–Ragam Kam, Tropojë,(loti 1, rreth 17 km) dhe Bajram Curri – Ragam Kam, Tropojë (Loti 2, rreth 15 km)”.

Hera e fundit që Berisha vizitoi Tropojën ka qenë në qershor të vitit 2009, gjatë fushatës elektorale të zgjedhjeve. Ai u rikthye në vendlindje pas një mungese 12-vjeçare dhe në pritjen që i rezervuan tropojanët e quajti Tropojën vendin më të dashur mbi dhe .  “Jam sot midis jush, para së gjithash për të shprehur krenarinë time të madhe, krenarinë time të pakufishme për ju dhe se jam njeri prej jush. Sikundër dua t’iu siguroj ju, se kudo që unë ndodhem, në Tiranë apo në metropolet e Evropës dhe të botës, në çdo vend, mendja ime çdo ditë vjen tek ju. Vjen këtu në Malësinë e Gjakovës, vjen në këtë vend më të dashurin për mua mbi këtë dhe”, tha Berisha para bashkëpatriotëve në qytetin e Bajram Currit.

Ka qenë viti 1997, ai që shënoi ndarjen e Berishës nga vendlindja, për shkak të një incidenti gjatë mitingut në sheshin e qytetit. Në vizitën e tij të fundit në 2009-n, Berisha tha se ishin arsyet politike ato që shënuan ndarjen e tij nga vendlindja në 97-n. “Për mua dhe për ju 97-a është periudha më e dhimbshme në tërë historinë e Tropojës, sepse është me një urrejtje primitive ndaj kontributit tuaj, bandat u veshën me pushtet dhe ekzekutuan djemtë e Tropojës”, është shprehur Berisha.