Shqiptaret nuk e njohin realisht Shqiperine dhe potencialet qe ajo ka, u shpreh kryeministri Berisha gjate mbledhjes se grupit parlamentar te Partise Demokratike.
Per fat te keq, kete vend e njohin sa duhet banoret e saj. Kete vend nuk e njohin realisht shqiptaret dhe nuk kane parasysh potencialet qe ajo ka ne vetvete, tha Berisha, duke shtuar se pret bashkepunimin me qeverite vendore ne kuader te projektit Shqiperia - vend i zhvilluar.


Shqiperia vend i zhvilluar do te thote rritje te ardhurash, rritje e prodhimit industrial, qindfishim i potencialit te ketij vendi per druret frutore. Ky eshte projekti me frymezues, me jetik, me kombetar, projekti i te gjitha projekteve. Kur fluturon mbi kete vend, gjeja e pare qe te vjen ne mend eshte Zvicer me det. Shqiperia nuk ka pasur mundesite e Zvicres, por asgje nuk mund ta pengoje ate per tu bere nje Zvicer e vertete. Ky projekt kerkon mund te madh dhe kohe, por ne presim te finalizohen zgjedhjet qe te nisim nje partneritet me qeverite vendore, theksoi kreu i PD.


Duke e cilesuar fitoren e PSD ne Portugali dhe ate te Gruevskit ne Maqedoni si fitore te aleateve te tij te ngushte, Berisha u ndal edhe ne vendimin e Kolegjit Zgjedhor per mosndryshimin e rezultatit te nxjerre nga KQZ-ja. Çdo vote e juaja ne garen e ngushte Basha-Rama u paraqit ne televizion dhe kjo ishte pavaresisht nga zhurmat nje nga arritjet me te medha te demokracise shqiptare. Vendimi i KQZ-se u gjet legjitim dhe nuk mund te ishte tjeter, sepse te numerosh votat e qytetareve te tu nuk ka gje me legjitime, tha Berisha.


Falja qe ka nevoje per promovim


Gjithashtu, nje pike tjeter ne te cilen ai u ndal gjate ishte edhe thirrja ndaj qytetareve dhe biznesit per te perfituar nga falja fiskale. Kam nje thirrje per te gjithe biznesmenet qe ne interesin e vendit te perfitojne plotesisht nga hyrja ne fuqi e ketij ligji, i cili ne thelb nuk ndryshon aspak nga ligji qe mund te votohej si amnisti. Per shkak te bllokimit te opozites, ky ligj u votua si falje, por kjo eshte falje me ligj. Ftoj cdo biznesmen dhe qytetar te perfitoje ne interesin e tij dhe te vendit nga ky ligj.


Ministria e Financave duhet te beje nje promovim te ketij ligji. Nuk ka asgje me me vlere sesa paraja e fjetur, ndaj dhe ftoj qytetaret qe ne perputhje me ligjin te shfrytezojne te gjitha hapesirat e tij. Falja eshte bere e plote dhe eshte bere pa zemerthyerje, ndaj kerkesa e qeverise eshte qe ti pergjigjen ligjit po me kaq gatishmeri. Ne synojme te mbyllim nje kapitull. Shqiperia eshte ketu per shkak te lumenjve te djerses se qytetareve te saj, ndaj te perfitojme nga kjo falje e merituar, perfundoi Berisha.