Publikuar me : 31.01.2012 Ne :
Sport - 33 Lexime. Origjina : Gazeta Shekulli
Endi Tufa
Zlatan Ibrahimoviç edhe një herë tregohet vendimtar për Milanin. Sulmuesi suedez ishte autori i golit të parë dhe një asist në fitoren 3-0 të kuqezinjve kundër Kaliarit, duke konfirmuar në këtë mënyrë gjendjen e mirë që po përjeton lojtari. Ndërkohë në ditët e fundit të merkatos të klubit italian, emri i 30-vjeçarit nuk diskutohet të jetë në listën e atyre që mund të transferohen. Ka qenë vetë agjenti i futbollistit, Mino Raiola, që e konfirmoi diçka të tillë, duke thënë se Ibra vlen 150 milionë euro.
“E shoh kur luan dhe akoma më mahnit. Do ta mbyllë karrierën e tij tek Milani? Është jeta e tij dhe nuk dal kundër vullnetit të lojtarit. Marr çdo ditë telefonata për të, por Berluskoni më ka thënë se Zlatan vlen 150 milionë euro”.
Emri i dytë që ka thurur elozhe për suedezin, duke vlerësuar lojën e tij, ka qenë pikërisht Adriano Galiani. Nga ana tjetër zv.presidenti i Milanit ka lënë me pikëpyetje çështjen e merkatos. “Është e kotë të flasësh për të. Ibrahimoviç është fantastik. Përsa i pëket merkatos, mund të them se Maksi Lopez është blerja e fundit. Megjithatë, kush e njeh të ardhmen? Milani për momentin renditet në vendin e dytë në kampionatin italian me 43 pikë dhe ndodhet vetëm një pikë larg kryesuesve të Juventusit.
Erjon Bogdani
Kombëtarja e Shqipërisë ka fituar ndeshjen miqësore përballë Katarit. Ndeshja e luajtur në Madrid ka përfunduar me rezultatin 2-1.
Pjesa e parë ka përfunduar 0-0 ndërsa që në minutën e parë të pjesës së dytë kombëtarja kuqezi ka kaluar në avantazh me anë të Elis Bakajt.
Rezultati është dyfishuar katër minuta më pas me anë të golit të realizuar nga Erjon Bogdani, me anë të penalltisë.
Ndërsa ekipi i Katarit ka arritur të ngushtojë diferencën tre...
