Publikuar me : 12.12.2011 Ne :
Kronike - 95 Lexime. Origjina : Gazeta Shekulli

Një ngjarje e rrallë ka çuditur qytezën e Bilishtit ditën e djeshme. Një çift bashkëshortësh kanë rrëmbyer rreth mesditës së të dielës një vajzë 11-vjeçare, me qëllim që ta martonin me nipin e tyre 15-vjeçar.
Policia njofton se ka nisur ndjekja penale të ngarkim të Dritan Ajredinit, 25 vjeç, banues në Rëmbec të Korçës, me arsim dy klasë dhe të shoqes, Entela Ajredini, 23 vjeç, edhe ajo me dy klasë shkollë. Burrë e grua e kanë marrë 11-vjeçaren E.T nga qyteti i Bilishtit, ku ajo jetonte, për ta dërguar te nipi i tyre G.A., 15 vjeç, banues në fshatin e tyre.
Burrë e grua do të ndiqen penalisht në gjendje të lirë për “heqje të paligjshme të lirisë”.
Materialet i kanë kaluar Prokurorisë së Rrethit Gjyqësor Korçë.