Publikuar me : 24.06.2011 Ne :
Rajoni - 193 Lexime. Origjina : Gazeta Shekulli
Në një celular të gjetur gjatë operacionit për asgjësimin e kryeterroristit Osama bin Laden në Pakistan janë gjetur numrat e një grupi militantësh që kanë lidhje me inteligjencën pakistaneze.
Lajmin e ka publikuar gazeta amerikane “New York Times”, e cila u referohet disa funksionarëve amerikanë.
Sipas “New York Times”, Bin Laden ka bashkëpunuar edhe me grupin Harakat-ul-Mujahedeen, si mbështetje e tij në Pakistan.
E përditshmja amerikane thotë se celulari i përkiste korrierit të Bin Laden, i vrarë bashkë me të gjatë operacionit të forcave speciale amerikane në Abbottabad, më 2 maj të këtij viti.
“Nuk mund ta konfirmojmë informacionin”, ka thënë një funksionar në Washington.
Shtetet e Bashkuara ia mbajtën sekret Islamabadit operacionin deri në përfundim të tij, duke nënvlerësuar kështu forcat e armatosura pakistaneze. Gjatë analizës së telefonatave me celularin e gjetur, ekspertët amerikanë kanë zbuluar se komandantët e grupit Harakat kanë komunikuar me funskionarë të shërbimeve sekrete pakistaneze, shkruan e përditshmja “New York Times”.
Gazeta citon një funksionar, i cili thotë se analiza e celularit është “një provë e rëndësishme” për të kuptuar se si Bin Laden ka mundur të fshihet për vite me radhë.
Policia ruse duke arrestuar një protestues
Rusi – Parlamenti ka miratuar një ligj që shumëfishon gjobën për protestat pa leje. Deputetët miratuan ligjin me 236 vota pro dhe 207 kundër.
Tani organizuesit e protestave mund të gjobiten deri në 48 mijë dollarë për grumbullim të paligjshëm.
Ligji është kritikuar gjerësisht si pengesë për lirinë e të shprehurit. Kreu i opozitës, Sergei Mironov, tha se ligji nuk do të mund t’ia mbyllë gojën njerëzve.
Një masë e...
