Biznesmeni rus Klaudia Shifer ka sjelle ne jete femijen tim

Publikuar me : 15.12.2011 Ne : Sociale - 31 Lexime. Origjina : Gazeta Shekulli

Supermodelja Klaudia Shifer e ka gjetur veten në telashe ditët e fundit, për shkak të pretendimeve të një biznesmeni rus për atësinë e vajzës së saj. Gazeta gjermane “Bild” shkruan se Aleksander Gavrilov i ka kërkuar gjykatës në Tscheboksary të detyrojë supermodelen ta dërgojë të bijën për t’i nënshtruar testit të atësisë.

“Dua të marr pjesë në rritjen e fëmijës”, është shprehur ai në kërkesën që i ka bërë gjykatës.

Por gjykata është shprehur se për shkak se Shifer jeton në Britaninë e Madhe, çdo pretendim ndaj saj duhet të kalojë nëpërmjet sistemit të drejtësisë së këtij vendi.

Ndërkohë, bukuroshja gjermane me sy blu, fytyra e të cilës është stampuar në mbi 500 kopertina revistash anembanë botës, e ka mohuar në mënyrë kategorike pretendimin e biznesmenit rus, duke u shprehur se nuk ka dëgjuar kurrë për burrin nga Rusia e largët. Një prej përfaqësuesve të Shiferit u shpreh se kjo është një histori e çmendur dhe pa kuptim.

Burri pretendon se me supemodelen është njohur nëpërmjet internetit dhe nuk e kishte idenë se kush ishte ajo. Ai shprehet se e ka njohur vetëm kur e ka parë shtatzënë në faqet e revistave dhe ka bërë lidhjen.

Gavrilov tanimë e konsideron vajzën e dytë të Shiferit, Cosima Violet, e lindur në maj të 2010-s si vajzën e vet.

Klaudia Shifer është e martuar prej 10 vitesh me britanikun Metju Von dhe ka 3 fëmijë.

Në vitin 202, një admirues italian, i cili doli më vonë se ishte i sëmurë mendor, u arrestua teksa tentonte për herë të nëntë ta takonte në shtëpinë e saj në Angli. Ai u shpjegua duke thënë: Papa më ka nxitur ta takoj bukuroshen gjermane.

Ndërkohë, disa vite më parë, një tjetër adhurues nga Kanadaja u akuzua për ngacmim, për shkak të bombardimit të Shiferit me letra dashurie.