TIRANE - Nenkryetari i grupit parlamentar Socialist, Erion Brace, ka hedhur dje poshte pretendimet kandidatit demokrat per Bashkine e Tiranes, Lulzim Basha se kryeqytetasit paguajne 82 taksa te detyruara. Ne nje prononcim per mediat, deputeti i Partise Socialiste sqaroi se jane vetem 3 taksa qe paguajne qytetaret e Tiranes dhe per kete ai publikoi fatura te paguara nga zyrtare te mazhorance si detyrim ndaj Bashkise me te madhe ne vend.


Per te vertetuar kete gje, zyrtari socialist paraqiti arketimin e taksave te paguara nga bashkeshortja e kryeministrit, Liri Berisha, nga djali i kryeministrit Shkelzen Berisha dhe ministri i Transporteve, Sokol Olldashi.


Lulezim Basha ka 3 jave qe po ju thote qytetareve se paguajne 82 taksa ne Tirane. Ky eshte mandat arketimi i taksave te paguara nga zonja Liri Berisha jane vetem 3 taksa, ne vlere 9180 leke ose 765 leke ne muaj ( per shkak te shtepise 175 metra katrore).


Ky eshte mandat arketimi i taksave te paguara nga zoti Shkelzen Berisha jane vetem 2 taksa, ne vlere 5500 leke ose 458 leke ne muaj. Ky eshte mandat arketimi i taksave te paguara nga zoti Sokol Olldashi jane vetem 3 taksa, ne vlere 7600 leke ose 633 leke ne muaj. Lulezim Basha genjen!, - pergenjeshtroi Erion Brace, deklarimet e kandidatit te mazhorances per Tiranen.


Disa dite me pare, kandidati i mazhorances premtoi se do te heqe 60 taksa nga 85. Ne qeverisjen qendrore kemi nje One stop Shop qe funksionon, ku e merr lejen per 30 minuta nga 45 dite qe ishte me perpara. Nuk kemi te njejten gje ne Bashkine e Tiranes. Nje flete qe fotokopjon aty, kushton 4 mije leke te vjetra. Nje certifikate ekstra qe Bashkia kerkon per importin e lekures kushton 20 mije leke te vjetra.


Ne total behen 85 taksa e tarifa. Kam listen e plote, nga me qesharaket e deri me te shtrenjtat, dhe une kam thene qe 60 prej tyre do ti heq, - premtoi kandidati i Partise Demokratike, Lulzim Basha.


Per deputetin e Partise Socialiste, Erion Brace, sot ne Tirane cdo familje paguan vetem 3 taksa ne muaj dhe vlera mesatare e tyre arrin ne 550 leke. Vetem 550 leke ne muaj qe eshte me pak se 600 leke ne muaj TVSH per 1 buke ne dite, 800 leke ne muaj TVSH per nje fature te energjise elektrike, 909 leke ne muaj TVSH per nje fature telefoni te thjeshte. E keshtu me radhe me cdo fature e cdo produkt qe blen.


Lulezim Basha genjen!, - sqaroi anetari i Kryesise se selise roze. Sipas tij, sot ne Tirane, cdo familje i paguan 550 leke ne muaj Bashkise, nderkohe qe nje familje me te ardhura mesatare i paguan 35000 leke ne muaj qeverise, pra 70 here me shume.


Ne lidhje me keto deklarata qe i behen opinionit publik, nenkryetari i grupit parlamentar Socialist thote se kane si qellim genjimin e qytetareve. Me qarte, ne cdo 100 leke taksa, nje familje ne Tirane 1.6 leke ja paguan Bashkise dhe 98.4 leke ja paguan Qeverise. Lulezim Basha eshte ne kete gare per te genjyer, ndaj ka humbur qe ne nisje, - deklaroi Brace.