Publikuar me : 19.10.2011 Ne :
Sociale - 64 Lexime. Origjina : Gazeta Shekulli
Bubulina Krasniqi, 24-vjeçarja e njohur në Shqipëri për këngët dhe videoklipet e saj, do të jetë së shpejti një nga zyrtaret më të larta të Ministrisë së Jashtme të Kosovës.
Lajmin e bën të ditur gazeta “Koha Ditore”, sipas së cilës, Bubulina, e cila është motra e ministrit të Kulturës, Memli Krasniqi, është përzgjedhur si kandidatja më e mirë për ta fituar postin e zyrtares së lartë për organizata ndërkombëtare në Ministrinë e Punëve të Jashtmetë Kosovës.
Kjo është bërë e ditur në faqen zyrtare të kësaj ministrie, ku tregohet se Bubulina Krasniqi ka fituar 90.6 pikë në konkursin e hapur muaj më parë. Njoftimi për angazhimin e saj në këtë post është paraqitur si njoftim publik.
Në të thuhet se në bazë të nenit 41, të rregullores 2/2010 për procedurat e rekrutimit në shërbimin civil, MPJ-ja bën njoftimin për kandidatin e suksesshëm të rekomanduar nga Komisioni Përzgjedhës i Shërbimit Civil të MPJ-së, pas përfundimit të procedurës së rekrutimit për pozitën zyrtar i lartë për organizata ndërkombëtare në Departamentin për Marrëdhënie Dypalëshe dhe Organizata Ndërkombëtare.
Gazeta thekson se ka kërkuar informata nga MPJ-ja për kandidatët në përgjithësi dhe për angazhimin e këngëtares Krasniqi në postin që, sipas konkursit të shpallur, kërkon edhe përvojë pune.
Eurovision 2012
Radio Televizioni Publik (RTSH) nuk do të transmetojë natën e parë të gjysmëfinales së Eurovisionit. Organizuesit e Eurovisionit kanë pranuar kërkesën e RTSH-së që kjo natë të mos transmetohet drejtpërdrejtë por disa orë më pas.
Kjo për shkak të shpalljes së ditë zie në respekt të 13 viktimave që humbën jetën në tragjedinë e Himarës.
Ndërsa nata e dytë e gjysmëfinales dhe finalja do të transmetohen live nga RTSH-ja.
Vendimi nuk do të ketë...
