Burg pa afat, 35-vjecarit qe vrau vellain

Publikuar me : 19.12.2011 Ne : Kronike - 99 Lexime. Origjina : Gazeta Shekulli

Gjykata e Lushnjës ka vendosur të lërë në burg pa afat 35-vjeçarin Shaban Zhuri i akuzuar për vrasje me dashje. Shaban Zhuri, 35-vjeç nga fshati Çermë i rrethit të Lushnjës nuk ka preferuar të japë deklarime para trupit gjykues.

Prokurori i çështjes, ka kërkuar vendosjen e masës së sigurisë burg pa afat. Nga deklarimet që Shabani ka dhënë para oficereve të policisë gjyqësore. Është mësuar se vrasja ka ndodhur për motive xhelozie. Kur ai ka shkuar në banesën e tij, mesditën e të enjtes ka gjetur aty të vëllanë dhe ka debatuar më të duke e qëlluar më pas me sende të forta në trup. Më pas dyshohet se Shabani ka qëlluar më armë zjarri automatike mbi vëllanë e vogël, Gentjan Zhurin, 24 vjeç.

Fillimisht Shabani e ka shoqëruar për në spitalin e Lushnjës vëllanë dhe më pas në spital në Tiranë, ku dhe ka gjetur vdekjen. Në deklarimet e para të dhëna para policisë bashkëshortët tentuan ta fshehin të vërtetën duke pohuar se 24-vjeçari ishte vetëqëlluar me armë në momente depresioni por policia ka zbuluar plage të shumta të trupin e viktimës. Lumturi Zhuri, bashkëshortja e tij mësohet të jetë shprehur se është ndjerë e frikësuar prandaj kishte fshehur armën.

 

K.Thana