Publikuar me : 27.08.2011 Ne :
Sociale - 67 Lexime. Origjina : Gazeta Shekulli
Emirjon Senja
Qeveria miraton kuotat e reja të bursave për të gjithë nxënësit dhe studentët në vend si edhe kushtet e përfitimit të tyre. Vendimi është publikuar në fletoren zyrtare duke hyrë në fuqi pak javë para fillimit të vitit të ri akademik. Sipas VKM-së, janë kategori të ndryshme nxënësish dhe studentësh ata që do të trajtohen me bursë përgjatë vitit akademik 2011-2012.
Kështu për shembull, do të trajtohen me bursë të gjithë nxënësit apo studentët që vazhdojnë studimet larg vendbanimit të tyre në largësinë mbi pesë kilometra. E njëjta gjë vlen edhe për nxënësit e zonave rurale, të cilat shkojnë për studime në gjimnaze me konvikt shtetëror larg vendbanimit të tyre. Vendimi gjithashtu iu njeh përfitimin e bursës atyre që kanë përfituar statusin e jetimit, apo edhe ata që janë student por janë të martuar apo me fëmijë. Kusht themelor për të përfituar bursën është që familja të ketë të ardhura minimale (tabela më poshtë). Në bazë të të ardhurave vendoset nëse studenti do të përfitojë bursë të plotë apo gjysmë bursë.
Krahas kushteve ekonomike, vendimi njeh edhe trajtimin me bursë për rezultate të mirë në mësime. Të tillë janë ata që kanë mbaruar vitin shkollor pararendës me të gjitha notat 10; nxënësit që studiojnë në shkolla profesionale në degët bujqësore, veterinare, pyjore dhe ndërtim, me kushtin që vitin e mëparshëm ta kenë mbaruar me notë mesatare mbi 8. E njëjta logjikë është ndjekur edhe për ata që ndjekin studimet për “Matematikë” apo “Fizikë”.
Bursë përfitojnë edhe ata që renditet në 25 vendet e para të Maturës Shtetërore. Bursa për këta të fundit vlen vetëm për vitin e parë. Bursë gjithashtu, marrin edhe fëmijët e punonjësve të Policisë, SHISH-it, Gardës së Republikës, Zjarrfikësve, etj., që kanë renë në krye të detyrës. Të privilegjuar do të jenë nxënësit nga Tropoja, Hasi, Puka, Kukësi, Dibra, Bulqiza, Mati, Mirdita, Malësia e Madhe, Librazhdi, Gramshi, Kolonja, Përmeti, Pogradeci, Skrapari, Tepelena dhe rrethi Tiranë, që do të preferojnë të studiojnë në shkolla profesionale këtë vit.
Emigrantet ne Greqi, foto arkiv
Një ngjarje e rrallë ka ndodhur dje në Athinë, ku dy shqiptarë janë rrahur gabimisht.
Një shqiptar i cili ishte në makinë me gruan dhe nipin e tij, e ndali makinën jashtë godinës së Fakultetit në Athinë për të blerë diçka në një dyqan aty pranë.
Gruaja doli nga makina dhe u drejtua për një dyqan aty afër, por u bë objekt i komenteve ofenduese nga disa emigrantë të huaj. Për t’i dalë në mbrojtje gruas, burri i saj dhe nipi zbritën...
