Pas tri net spektakel, regjisori Carlo Bruni, autor i dramatizimit Dashuri e hidhur sipas tragjedise Romeo dhe Xhuljeta te Shekspirit, mban neser, 4 maj, ora 16.00 nje takim me te rinj dhe njerez te interesuar mbi pervojen e tij me Teatrin Kombetar te Shqiperise. Ai e quan seance anatomie teatrale kushtuar spektaklit Dashuri e hidhur.


Takimi do te behet ne sallen e madhe te teatrit kombetar sepse regjisori ne ate skene do te demonstroje pjese nga spektakli, duke i futur te pranishmit ne laboratorin e tij teatral.


Zyra e shtypit te teatrit kombetar i propozon komunitetit te studenteve, aktoreve, regjisoreve dhe te gjithe atyre qe jane te interesuar te njohin prapaskenat e nje spektakli dhe deshirojne ti afrohen nje menyre tjeter pune, duke ndjekur Laboratorin e Premieres me te re te Teatrit Kombetar. Seanca do te drejtohet nga regjisori, artisti italian Carlo Bruni.


Bruni (Pulja 1959) punon ne Teater qe prej 1977 (Teatroggi, Teatro Studio 3, Koinè), fillimisht aktor dhe prej vitit 1985 edhe si autor e regjisor. Angazhohet ne Teatro del Mercato - Perugia, ne Teatro Kismet Opera - Bari, Teatro Piccinni del Capoluogo Pugliese.


Nder punet e tij te fundit Passioni, I Reduci dhe kete sezon teatral ka vene ne skene Lenòr, kushtuar Eleonora de Fonseca Pimentel, revolucionare napoletane e 700, dhe nje veper Ti scrivo dalle nuvole kushtuar Maria Callas.


Per disa nga keto vepra te fundit ai ka bashkepunuar ngushte me Nunzia Antoninon si aktore, dhe se fundi ne spektaklin ne Tirane, e ka asistente te tijen qe kontribuoi vecanerisht me repertorin muzikor, nje element i mire, i ndjeshem, emocional i shfaqjes.


Bashke me aktoret dhe tekniket e Dashuri e hidhur, per disa ore Bruni do te rrefejne historine e kesaj venie ne skene, duke i ofruar te ftuarve veshtrimin nga afer dhe me hollesi te metodes se si u realizua kjo premiere. Ju garantojme qe nuk do te jete nje konference teorike por jemi perpjekur te zgjedhim disa fragmente nga shfaqja, duke i analizuar ne perspektiva te ndryshme tekstin, aksionin, muziken, ndricimin, hapesiren.

Mendojme qe kjo eshte nje menyre per ti ofruar profesionisteve te sektorit, por edhe medias dhe te pasionuarve, nje instrument me shume per tu njohur dhe per te shkembyer eksperiencat, thuhet ne njoftimin e Teatrit Kombetar dhe te fundit lajmeron se hyrja eshte e lire dhe i vetmi detyrim eshte paraqitja ne orar, pasi me te filluar bashkebisedimi, dyert do te mbyllen.


Premiera u shfaq me 29 prill dhe do te rikthehet nga e enjtja ne te diel ne skenen Kadri Roshi. Interpretojne Yllka Mujo, Olta Daku, Dritan Borici, Monika Lubonja, Elia Zaharia dhe te rinjte Andi Begolli, Erjeta Cufaj, Ervis Fiora, Kamber Mici dhe Florand Veizi. As/regjisore Nunzia Antonino, Elis Mataj; perkthimi Irena Lama; kostumet Anila Zajmi Katanolli; hapesira dhe ndricimi Carlo Bruni; Perzgjedhja muzikore Nunzia Antonino. Zgjat 90 minuta.


Takimi i se merkures do duhet te ngreje shume pyetje sepse autoret dhe aktoret kane bere pune jo te zakonshme krijuese, te re, gjithe imagjinate, qe shkakton emocione te forta ne disa kulme te saj. Megjithate nuk eshte shfaqje e lehte edhe per spektatorin. Jane shkalle veshtiresie me te cilat edhe spektatori yne do duhet te dije te perballet.