Publikuar me : 23.12.2011 Ne :
Politike - 92 Lexime. Origjina : Gazeta Shekulli
Aleanca Kuq e Zi krijoi zyrtarisht sot degën e saj në Londër. Në një manifestim në Bulevardin “Oksford Street”, kryetari i aleancës Kreshnik Spahiu u shpreh se Censusi 2011 zvogëloi artificialisht popullsinë shqiptare nën ndikimin e Athinës zyrtare.
“Censusi zvogëloi artificialisht kombin më të madh në rajon. Iu dërgua Athinës para publikimit Jemi një nga popullsitë më të mëdha në Ballkan.”- deklaroi Spahiu.
Spahiu e konsideroi të turpshëm reagimin e ministrit grek, dy ditë më parë, ndërsa kërkoi arsyet se pse informacioni për Censusin iu dha me parë shtetasve greke se atyre shqiptarë. “Të bëhemi 1 milion kuqezi. Në Londër u bë copëtimi, në Londër nis bashkimi.” – vijoi më tej kryetari aleancës.
Sipas INSTAT, paraprakisht nga censusi rezulton se popullsia që banon në territorin e Shqipërisë është 2,831,741 banorë. Krahasuar me vitin 2001 numri i popullsisë në vitin 2011 është zvogëluar me 7.7 perqind.
Edi Rama - Sali Berisha
Kryeministri, Sali Berisha, në mbledhjen e qeverisë, pas ngjarjes tragjike të Himarës, ka folur edhe për ato që konsiderohen çështje të nxehta politikës; reformën zgjedhore dhe reformën parlamentare. Kreu i mazhorancës u shpreh se PD-së nuk ka bërë asnjë propozim për ndryshimin e Kodit Zgjedhore dhe se të gjitha iniciativat janë marrë nga opozita.
Por pavarësisht kësaj, Berisha, edhe gjatë mbledhjes tregoi qartë se kërkon diktim apo imponim të...
