Cirroza alkoolike e melcise mund te shkaktohet nga perdorimi i alkoolit dhe kete te fundit e konsumojne jo pak njerez. Metabolizmi i ketij produkti ne melci dhe sasia e tepert e tij con ne shfaqjen e semundjeve akute dhe kronike te ketij organi. Mjekja gastro-hepatologe Albana Duni shpjegon si shfaqet dhe cfare pasojash sjell ne organizem cirroza alkoolike e melcise

Cili eshte funksioni melcise ne organizem?

Melcia, duke vepruar si fabrika me e madhe kimike e organizmit tone, ka shume funksione, te cilat perfshijne prodhimin e faktoreve te gjakut, proteinave, temthit dhe te me shume se 100 enzimave te ndryshme.

Po ashtu ndikon ne metabolizmin e kolesterolit, depozitimin e glukogjenit si burim energjie, mbajtjen normale te perqendrimit te sheqerit ne gjak. Por dhe ne rregullimin e hormoneve te ndryshme dhe detoksifikimin e medikamenteve dhe helmeve duke perfshire alkoolin.

A konsiderohet alkooli armiku kryesor i melcise. Si ndikon alkooli ne demtimin e ketij organi?

Alkooli demton shume organe, por ne menyre te vecante demton sistemin nervor qendror dhe melcine. Alkooli metabolizohet ne melci dhe sasia e tepert e tij con ne semundje akute dhe kronike te melcise.

Abuzimi me alkoolin con ne tre patologji te semundjeve te melcise, te cilat ne kliniken praktike mund te shfaqen se bashku ne te njejten kohe, ne te njejtin pacient. Patologjia e pare eshte steatoza (dhjamosja e melcise), e cila con ne akumulimin e yndyres ne qelizat e melcise. Kjo gjendje eshte e rikthyeshme, ne qofte se pacienti nderpret alkoolin. Megjithate dhjamosja e melcise mund te coje ne steatohepatit, qe eshte dhjamosje e melcise e shoqeruar me inflamacion. Kjo gjendje mund te coje ne demtime te melcise dhe cirroze.

Patologji tjeter qe mund te shfaqet eshte hepatiti. Alkooli mund te shkaktoje hepatit akut ose kronik. Hepatiti alkoolik mund te ndryshoje nga nje forme e bute e hepatitit me teste anomale laboratorike, ne nje forme te ashper me nderlikime, si ikter (zverdhje e lekures shkaktuar nga mbajtja e bilirubines), me encefalopati hepatike (disfunksion neurologjik shkaktuar nga pamjaftueshmeria e melcise), ascit (grumbullimi i ujit ne bark), hemorragji nga varicet e ezofagut. Patologji tjeter qe shfaqet eshte cirroza, qe karakterizohet anatomikisht nga perhapja ne melci e nodujve te rigjenerimit te kombinuar me fibroze.

Keto demtime perfshijne te gjithe melcine dhe shkaktojne crregullim te madh te qarkullimit intrahepatik te gjakut. Melcia cirrotike ka nje siperfaqe te nodozuar dhe konsistence te forte e margo te mprehte. Madhesia e melcise ndryshon nga nje i semure te tjetri.

Kjo do te thote qe nje melci cirrotike mund te jete e zmadhuar (hipertrofike), ose e zvogeluar (atrofike). Ekziston edhe forma mikse, ku atrofia e nje lobi te melcise kombinohet me hipertrofine e nje lobi tjeter. Ne varesi nga noduset qe formohen, cirroza klasifikohet ne mikro dhe makronodulare.

Cirroza si shfaqet konkretisht?

Cirroza mund te zhvillohet pa precedentet e steatozes ose te hepatit alkoolik. Cirroza alkoolike eshte forma finale e parikthyeshme e semundjes hepatike gjate efekteve kronike, toksike dhe inflamatore te etanolit ne melci. Ne cirroze qelizat e melcise zhvendosen nga indi fibroz.

Fibroza gjithashtu con ne zhvillimin e hipertensionit portal dhe hipertensioni portal con ne formimin e variceve te ezofagut, stomakut, zorres etj. Stimulimi i fibrozes, i induktuar nga alkooli eshte multifaktorial. (Shenim Ne numrin tjeter do te lexoni se sa ndikon alkooli ne shfaqjen e cirrozes, cfare pasojash sjell cirroza alkoolike dhe si mund te trajtohet).