Tatimet/Deri ne fillim te prillit, bizneset VIP duhet te deklaronin online te dhenat per aktivitetin e tyre

TIRANE- Deri dje, 90 per qind e bizneseve VIP kane permbushur detyrimin e vendosur prej Administrates Tatimore per te deklaruar ne forme elektronike te dhenat qe kane te bejne me blerjet dhe shitjet. Kjo forme deklarimi aplikohet per here te pare nga Drejtoria e Pergjithshme e Tatimeve dhe krahas dixhitalizimit te sistemit synon te shmange abuzimet ne kete sektor si dhe te ushtroje nje kontroll te drejteperdrejte te aktivitetit te bizneseve duke ulur edhe me tej shifrat e evazionit fiskal.

Drejtori i Pergjithshem i Tatimeve, Artur Papajani, parashtroi dje gjate nje konference per shtyp arritjet e kesaj nisme ligjore duke i bere thirrje bizneseve qe nuk e kane bere ende deklarimin te perfshihen sa me shpejte ne skeme.

Nga rreth 15.000 tatimpagues, te cilet sipas legjislacionit tatimor ne fuqi, kishin detyrimin per te dorezuar elektronikisht librat e shitjes dhe blerjes, deri ne oren 24.00 te dates 5 Prill kane dorezuar elektronikisht rreth 13.000 te tille. E shprehur ne per qindje, rreth 90 per qind e tatimpaguesve te regjistruar per TVSH dhe Tatim- fitimi, kane permbushur kete detyrim ligjor, - tha Papjani.

Duke marre shkas nga treguesit e deritanishem Papajani i ka bere apel Ministrise se Financave qe te mos propozoje penalitete per bizneset qe nuk kane bere ende deklarimin nisur edhe nga fakti qe kjo forme e re sapo ka filluar se aplikuari duke iu dhene nje tjeter mundesi atyre.

Sfidat e medha te teknologjise se informacionit te cilat kjo administrate eshte e detyruar dhe e ndergjegjshme per ti zbatuar, jane ato qe kane te bejne me deklarimin madhor elektronik te tatimpaguesve perfshire edhe ato te biznesit te vogel, - perfundoi kreu i tatimeve.