TIRANE - Gjykata per Krime te Renda ne kryeqytet, shpalli fajtor dy te pandehurit Arben Uku dhe Ilia Xoxe, per akuzen e trafikut te droges nga Panamaja drejt Shqiperise me ane te agjencise postare. Ishte peseshja gjykuese e kryesuar nga gjyqtari Klodian Kurushi, te cilet, pasi degjuan pretendimet perfundimtare te akuzes dhe mbrojtjes, vendosen denimin me 11 vite burg per te pandehurin Ilia Xoxe dhe denimin me 10 vjet burg per te pandehurin Arben Uku.


Kesaj mase denimi do ti ulet 1/3 e denimit perfundimtar per shkak te aplikimit te shqyrtimit gjyqesor me gjykim te shkurtuar. Nderkohe, prokurori i ceshtjes, Edvin Kondili, gjate leximit te konkluzioneve perfundimtare, kerkoi qe te dy te pandehurit te denohen me nga 11 vite heqje lirie.


Avokatet mbrojtes dhe vete te pandehurit kerkuan nje mase me te bute denimit. Sipas vendimit, eshte provuar se dy te pandehurit Uku dhe Xoxe ishin pritesit e pakos se ardhur nga Panamaja, ku brenda saj ndodhej nje pjese makine se bashku me 1 kg kokaine.


Nga hetimi gjyqesor, eshte arritur ne perfundim se sasia prej 1 kg kokaine e sekuestruar mesditen e dates 19 nentor 2010, eshte nisur nga Panamaja, nga shtetasi Edwin David Arias Trujillo. Droga, ishte fshehur brenda nje motor/gjeneratori elektrik te paketuar ne nje pako dhe derguar nepermjet nje agjencie te njohur postare me destinacion Tiranen.


Emri i pritesit mbante inicialet A.T., por qe dyshohet se ishte fiktiv, - thuhet ne vendimin e firmosur nga pese gjyqtaret e Gjykates per Krime te Renda. Per nisjen e kesaj sasie kokaine nga Panamaja drejt Shqiperise, Sherbimi Informativ Shteteror kishte sinjalizuar Policine dhe Prokurorine per Krime te Renda, per nje sasi prej 2.5 kg kokaine qe do te vinte nga Panamaja.


Pas ketij sinjali, jane lajmeruar autoritete e policise amerikane dhe italiane, per dergesen qe pritej te vinte ne Shqiperi nepermjet nje agjencie postare. Gjate kontrollit, autoritetet amerikane kane identifikuar pakon postare dhe sasine e kokaines te fshehur ne nje motor/gjenerator elektrik, per te cilen kane lajmeruar autoritet shqiptare.


Ne pako eshte vendosur nje pajisje lokalizuese GPS per te kontrolluar itinerarin e levizjes se pakos. Sapo ka hyre ne territorin italian, kete pako e ka shoqeruar nje punonjes i Rojes Financiare Italiane, i cili erdhi deri ne Shqiperi, ku edhe u be operacioni per dorezimin e kontrolluar.


Me te mberritur ne Shqiperi, policia arrestoi te dyshuarit e kesaj sasie malli, Arben Uku dhe Ilia Xoxe, te cilet u paraqiten ne agjencine postare per te terheq pakon e mbushur me 1 kg kokaine.