Dermatiti atopik shfaqet me disa shenja tek i semuri. Dermatologia Entela Dhima do te shpjegoi sot se si shfaqet semundja tek femijet, si trajtohet kjo semundje dhe keshilla per ta parandaluar semundjen.
Si shfaqet semundja?
Pacienti ka nje lekure te thate e pruriti (e kruara) eshte simptoma kryesore e dermatit atopik. Lekura eshte pak a shume e skuqur, e infiltruar, trashur me nje deskuanim (luspa) te lehte nga eskoracionet. Duke kaluar fazen akute gradualisht shfaqen pllakat e likenifikuara te lekures.
Ku shfaqet me teper?
Kryesisht semundja lokalizohet ne siperfaqet e fleksuara si gjuri, berryli, qafa, sqetullat. Karakteristik e femijeve te vegjel eshte se semundja lokalizohet ne fytyre.
Çfare komplikacionesh mund te shfaqe semundja?
Semundja zgjat gati 15-20 vjet. Ne 50 perqind te rasteve, pacientet zhvillojne astme bronkiale. Dermatiti atopik shpesh perkeqesohet gjate dimrit, te femijet e vegjel dermatiti atopik mund te infektohet dhe te mbivendoset nje infeksion dytesor. Ne kete rast kemi te bejme me dermatit atopik te pyodermizuar.
Si trajtohet kjo semundje?
Ne trajtimin e semundjes eshte shume e rendesishme te evidentohen faktoret qe kane ndikim te jashtem te semundja si perdorimi i sapunit te papershtatshem, ambienti i ajrosur, pa pluhur, perdorimi i rrobave te pambukta dhe jo te leshta. Keshillohet te evitohen shqetesimet si stresi. Po ashtu dieta ushqimore ka shume rendesi. Rekomandohen ushqimet pa konservues, pa karbohidrate. Mjekimi i dermatiti atopik eshte lokal dhe kryesisht permban pomada kortikosteriode.
Ne rastet e infektuara rekomandohen pomada antimikrobike me spekter te gjere veprimi. Ne rastet kur siperfaqja eshte e lengezuar perdoren kompresat me KMNO4 ose Acidi Borik. Ky i fundit nuk rekomandohet te femijet qe pine gji. Nese eshte e nevojshme mund te merret ne menyre sistemime antibiotike nga goja. Gjithashtu, mjekimi shoqerohet me marrjen e antihistaminikeve orale. Kortikosteroidet jepen ne fazat e renda dhe per nje kohe te shkurter. Ne fazen e qetesimit rekomandohen sapune te yndyrshem dhe pomada te yndyrshme, si dhe neutrale si vazelina.
Cilat jane disa nga keshillat qe duhet te tregojne pacientet?
Ka shume keshilla por me kryesoret po permend disa Tregoni kujdes me ushqyerjen e femijes 0-1 vjec, kujdes ne perdorimin e detergjenteve dhe sapuneve qe te jene te pershtatshem per lekuren e femijes, mbani femijet ne ambiente te ajrosura mire dhe pa pluhur, mos perdorni ushqime me konservues dhe karbohidrate, veshja e femijes duhet te jete me material pambuku duke evituar veshjet me permbajtje sintetike dhe akrilike.
Testi qe perdoret per te gjetur shkaktarin e alergjise
Lendet, me te cilat ka kontaktuar pacienti ne pune, apo shtepi, vleresohen nga dermatologu. Nje pjese e mire e ketyre lendeve njihen sipas vendndodhjes se plageve. Ndonjehere kur nuk zbulohet shkaku gjate bisedes me pacientin, atehere dermatologu ben nje test alergjik te quajtur PATCH. Testi PACHT eshte nje test i lehte per tu kryer dhe i besueshem per gjetjen e alergjentit. Nje sasi shume e vogel e alergjentit te mundshem praktikohet mbi lekure dhe mbyllet per tu hapur pas dy ditesh.
Nese alergjenti i vertete eshte ai i aplikuar, atehere mbi lekure do te shfaqet nje pulle e vogel e kuqe. Disa nga alergjentet me te shpeshte jane nikeli, llastiku, bojerat, parfumet, disa lule dhe ruajteset e ndryshme te hedhura neper ushqime. Shume persona i lyejne floket pa asnje problem, ndersa disa jane te ndjeshem karshi parafenilendiamine (PPD). Kjo eshte nje lende brenda bojerave te qendrueshme te flokeve. Kjo lende perpara se te aplikohet ne floke perzihet me disa lende kimike si peroksiti.
Personat me ndjeshmeri karshi PPD-se nuk duhet ti perdorin keto bojera. Rreth ¼ e ketyre personave kane alergji edhe ndaj bojerave gjysme te qendrueshme. Keshtu qe para perdorimit te tyre eshte mire te bejne testin PACHT, sic e pershkruan dhe vete paketa e bojes. Ose te perdorin bojera te perkohshme. Disa rroba ne bojerat e tyre permbajne PPD-ne, kurse disa kane bojera qe japin reaksion kryqezues me PPD-ne. Keta persona nuk duhet te veshin rroba te zeza qe jane te perbera nga lende sintetike si najloni apo poliestra. Ne 25 per qind te rasteve, keta persona me ndjeshmeri karshi PPD-se jane te ndjeshem edhe karshi nje lende qe perdoret si anestezik lokal me emrin benzokain.
Kozmetiket e ndryshem si parfumi apo lengjet e ndryshme mund te shkaktojne dermatit. Disa njerez jane te ndjeshem karshi ererave te tyre. Ndersa disa te tjere jane te ndjeshem karshi lendeve qe futen brenda ketyre solucioneve per ti ruajtur ato qe te mos prishen. Ata persona qe ndikohen nga ererat duhet te perdorin materiale kozmetike pa ere, megjithese materiale te tilla jane te pakta. Kurse ata qe kane alergji karshi lendeve ruajtese, duhet te bejne testin PACHT per ta zbuluar ate.
