Socialistet presin pergjigje me 18 mars kur do te shqyrtohen dy projektet ne Kuvend

TIRANE - Deputeti i PS-se, Namik Dokle, ka deklaruar dje se 18 marsi, dite ne te cilen do te shqyrtohen dy projektet e paraqitura nga opozita, eshte shansi i fundit per mazhorancen. "Partia Socialiste dhe grupi i saj parlamentar jane te vendosur ta cojne deri ne fund aksionin e tyre demokratik per hetimin e plote dhe pa kufizim te zgjedhjeve, per mbrojtjen ligjore dhe kushtetuese te votes se lire!" - tha Dokle.

Ai solli si shembull edhe manipulimin ne Komunen Ruzhdie. "Rasti i Ruzhdies, krimi elektoral i vertetuar tashme katerciperisht ne ate qender votimi, ia ka mekur zerin Kryeministrit dhe gjithe tellalleve te tij, brenda e perreth PD-se, por te zhytur ne terrin elektoral ata nuk pranojne hapjen e kutive, sepse e dine mire cfare kane ato!

Ne Ruzhdie, 94 persona qe kurre nuk kane pasur pasaporte, figurojne sikur kane votuar me pasaporte. Po keshtu votuan edhe qindra e qindra te tjere ne Shkoder, Kukes, Kamez, Elbasan, Durres etj; Ne Ruzhdie, 173 persona qe nuk kane aplikuar kurre per karte identiteti, rezultojne se kane votuar me karte identiteti. Te tille pati me mijera ne gjithe vendin; ne Ruzhdie, 80 hajdute votash votuan ne vend te emigranteve qe skishin ardhur fare ne Shqiperi.

Keshtu ndodhi edhe ne Kruje, Paskuqan, Lezhe, Lac, Shijak, Librazhd etj; ne Ruzhdie, komisioneret e PD-se dhe manipulatore te tjere te vullnetit te lire te zgjedhesve, falsifikuan 376 firma dhe mbushen kutite me vota. Po keshtu ndodhi edhe ne Diber, Mirdite, Bathore, Kavaje, Malesi e Madhe, Devoll etj., duke vjedhur keshtu mijera e mijera vota", - tha Dokle, duke shtuar se shqiptaret tanime e dine se cfare ndodhi me 28 Qershor.