Dosja UEFA, nisin levizjet ne prokurori

Publikuar me : 14.12.2011 Ne : Sport - 38 Lexime. Origjina : Gazeta Shekulli

Endi Tufa

Prokuroria vihet në lëvizje në lidhje me skandalin e trukimeve që ka përfshirë futbollin shqiptar. Burime konfidenciale bëjnë të ditur se çështja do të merret në shqyrtim nga Prokuroria e Tiranës e cila do të nisë fillimisht një proces verifikimi.

Ende nuk dihet nëse do të jetë një prokuror i vetëm apo një grup prokurorësh të cilët do të merren me verifikimin paraprak të çështjes. Hapi i parë i organit të akuzës do të jetë marrja në cilësinë e provave të dokumentacionit te përpiluar nga UEFA dhe të dhënave të tjera në lidhje me trukimin e 13 ndeshjeve të Kategorisë Superiore .

Prokuroria do të shqyrtojë me kujdes çdo informacion dhe vetëm nëse do të konstatojë gjatë verifikimit elementët e veprës penale do të vendos të hapë një proces të mirëfilltë hetimi duke bere dhe kallëzimin penal i cili do të pasohet me hetime të imtesishme dhe marrjen e dëshmive të nevojshme për të siguruar provat për venien e përgjegjësve para drejtësisë.

Burime brenda organit të  akuzës bënë të ditur se prokuroria u vu në lëvizje pas bërjes publik të lajmit në televizionin “Top Channel” dhe se nuk kishte marrë ndonjë kërkesë nga ana e Federatës Shqiptare të Futbollit për 12 ndeshjet e dyshuara se janë trukuar gjatë sezonit 2010-2011.