Publikuar me : 09.01.2012 Ne :
Sport - 80 Lexime. Origjina : Gazeta Shekulli
Një tatuazh për nder të mikut të tij dhe ish-konkurrentit Marko Simonçeli. Kjo është ajo çka Andrea Doviciozo ka dashur të bëjë përpara se të fillojë kampionatin e ri të MotoGP-së. Këtë sezon ai do të garojë për skuadrën “Yamaha” dhe ka bërë të ditur në rrjetin social “Twitter” se ka bërë një tatuazh polinezian, që përfaqëson një dedikim për Marko Simonçelin.
Ish-piloti i Hondës ka vendosur në tatuazh figurën e Mbretit Diell (simbol i jetës), Zogun fregatë (simbol i fatit) dhe një shkrim: “Jam zot i fatit tim, por vetëm fati njeh fundin e rrugëtimit”. Marko Simonçeli është piloti i cili humbi jetën në garën e Sepangut, në Malajzi, në moshën 24-vjeçare.
Gjeste dashuri për pilotin italian ka shfaqur edhe piloti Valentino Rosi, i cili në rrjetin social Twitter, u shpreh se për dhuratë Krishtlindjeje do të dëshironte rikthimin e Markos në jetë. Tashmë Doviciozo do ta mbajë për të gjithë jetën e tij Simonçelin nën lëkurë.
Erion Bogdani, shenuesi i golit
Edmond Sufaj
Kombëtarja shqiptare e futbollit fitoi të martën ndaj kombëtares së Katarit me rezultatin 2-1, e vlefshme për ndeshjen miqësorë, e cila u zhvillua në stadiumin e Vallekanos në Madrit. Lojtarët e kombëtares sonë luajtën me shirit të zi në krah në shenjë solidarizimi për tragjedinë që ndodhi në Himarë. Golat u shënuan në pjesën e dytë, ku Bakaj hapi serinë e golave në minutën e 46-të. Pas katër minutash Shqipëria...
