Egjipt, Vellazeria Myslimane fiton 50perqind te deputeteve por pushtetin e vendos Presidenti i ri
Publikuar me : 22.01.2012 Ne :
Rajoni - 23 Lexime. Origjina : Gazeta Shekulli
Rezultati final i zgjedhjeve në Egjipt pas largimit të Mubarakut i kanë dhënë një fitore tronditëse partive islamike. Partia Vëllazëria Myslimane për Liri dhe Drejtësi ka fituar numrin më të madh të mandateve. Partia tjetër islamike më ekstremiste Salafist Nour vjen e dyta. Liberalët e New Wafd dhe koalicioni i laikëve janë shumë pas këtyre dy partive.
Egjiptianët kanë votuar në tre faza brenda një periudhë gjashtë javore për zgjedhjen e 498 anëtarëve të Asamblesë Popullore. 10 vende të tjera caktohet nga ushtria.
Sipas sistemit, 2/3 e vendeve zgjidhen nga listat e partive ndërsa pjesa tjetër zgjidhet në mënyrë direkte.
Në total, partitë islamike kontrollojnë rreth 2/3 e vendeve në asamble.
Vëllazëria Myslimane për Liri dhe Drejtësi ka siguruar 127 vende nga lista ndërsa 108 janë zgjedhur direkt nga zonat elektorale, që do të thotë se ka thuajse gjysmën e anëtarëve të asamblesë.
Këto janë zgjedhjet e para pas largimit të forcë të Presidentit Hosni Mubarak, që dha dorëheqjen vitin e kaluar i detyruar nga protestat.
Presidenti i ri pritet të zgjidhet në qershor sipas kohës së parashikuar nga regjimi ushtarak që drejton aktualisht vendin.
Edhe pse Vëllazëria Myslimane për Liri dhe Drejtësi është pranë marrjes së pushteti, është Presidenti ai që zgjedh qeverinë – që do të thotë se fituesit e zgjedhjeve jo automatikisht marrin drejtimin.
Romët, foto arkiv
Një studim i ri mbi romët e Europës i kryer nga Bashkimi Evropian, Banka Botërore dhe Kombet e Bashkuara ka gjetur se vetëm 15 për qind e këtij minoriteti ka përfunduar shkollimin e mesëm, dhe më shumë se 90 për qind jetojnë nën kufirin e varfërisë në vendet përkatëse.
Raporti, që u publikua të mërkurën, tregon se deri në 20 për qind e romëve nuk mbulohen nga sigurimi shëndetësor; 45 për qind jetojnë në familjet që nuk kanë kushte...
