Publikuar me : 22.01.2012 Ne :
Kulture - 64 Lexime. Origjina : Gazeta Shekulli
Një grup anëtarësh të Partisë Komuniste në Elbasan kanë djegur publikisht në sheshin kryesor të Elbasanit librin “Enver Hoxha” të gazetarit Blendi Fevziu.
Skena është regjistruar pranë teatrit “Skampa” të qytetit. Sipas antarit të Komitetit Qëndror të Partisë Komuniste Shqiptare, Gjon Gjergji, libri “Enver Hoxha” është deformim i luftës antifashiste nacional çlirimtare dhe i periudhës 50- vjeçare të sistemit komunist.
Sipas tij, Blendi Fevziu nuk kishte lindur në atë kohë dhe nuk ka një ide për luftën e popullit shqiptar kundër okupatorit.
Ai tenton ta thjeshtojë atë si një luftë civile, ndërkohë kur nuk ka patur një të tillë. Akuzat e Gjon Gjergjit ndaj Fevziut vazhdojnë më tej. Ai e cilëson atë si “përfaqësues të klasës së borgjezisë së sotme shqiptare”.
Në këtë akt kanë qenë të pranishëm disa anëtarë të Partisë Komuniste. Libri është djegur në sheshin kryesor të Elbasanit. Më pas ata janë larguar qetësisht pa shkaktuar incidente.
“Proces 2012” është ekspozita që çelet sot në orën 11:00 në Galerinë FAP. Më punime të realizuara nga studentët e Atelierit të Tekstilit dhe të Modës në Fakultetin e Arteve të Bukura, Universiteti i Arteve në Tiranë.
