Publikuar me : 24.12.2011 Ne :
Sport - 95 Lexime. Origjina : Gazeta Shekulli
Elis Guri
Elis Guri ka zënë vendin e tretë si “Sportisti i Vitit” në Bullgari. Në votimin e gazetarëve vendin e parë e ka zënë mundësja femër Stanka Zlateva dhe vendin e dytë notari Petar Stoychev. Mundësi shqiptar, që prej më shumë se një viti garon për vendin tjetër ballkanas (pasi ka marrë pasaportën bullgare), ka fituar këtë vit medaljen e artë në kampionatin botëror të mundjes dhe ishte futur në listën e kandidatëve për këtë trofe.
Ai është larguar nga vendi ynë pas konflikteve që ka patur mundja shqiptare (asokohe me dy federata dhe e përçarë), duke bërë që Shqipëria të humbasë një talent në sportin e mundjes, i cili sot po i dhuron Bullgarisë medalje dhe fitore, ndërkohë që është rritur në vendin tonë. Ceremonia e dorëzimit të trofeut është bërë dje dhe Guri është shprehur i kënaqur me këtë “triumf”, ndërkohë që ai ka siguruar edhe kualifikimin direkt për në Lojërat Olimpike “Londër 2012”.
Erion Bogdani, shenuesi i golit
Edmond Sufaj
Kombëtarja shqiptare e futbollit fitoi të martën ndaj kombëtares së Katarit me rezultatin 2-1, e vlefshme për ndeshjen miqësorë, e cila u zhvillua në stadiumin e Vallekanos në Madrit. Lojtarët e kombëtares sonë luajtën me shirit të zi në krah në shenjë solidarizimi për tragjedinë që ndodhi në Himarë. Golat u shënuan në pjesën e dytë, ku Bakaj hapi serinë e golave në minutën e 46-të. Pas katër minutash Shqipëria...
