Kreu i bashkise se Kavajes, Elvis Rroshi, shperndau pasditen e se enjtes nje deklarate per publikun duke kerkuar ndjese per lajmin e tmerrshem qe erdhi si pasoje e deklarimeve te bashkeshortes se tij. Sipas Rroshit, ai ndjen keqardhjen per angazhimin e shume aktoreve ne historine e nisur prej dites se djeshme dhe qe u cilesua nga mediat si ceshtja Griselda.

Me poshte deklarata e ndjeses se kreut te bashkise se Kavajes, Elvis Rroshi

Ne emer te familjes time, te babait, nenes, vellait, motres dhe te afermve, si edhe ne emrin tim personal, i kerkoj ndjese opinionit publik per tmerrin e lajmit te djeshem qe sot rezultoi i pavertete.

Edhe njehere ndjese te gjitheve.

Me respekt

******************
Griselda Rroshi pranon Nuk isha shtatzene. Sajova gjithcka

Bashkeshortja e kryebashkiakut te Kavajes, Griselda Roshi pranon se deshmia e saj per rrembim ka qene e rreme. Nje gje te tille ajo e ka pranuar par prokuroreve te Gjykates se Krimeve te Renda. 28-vjecarja e shoqeruar nga nje psikologe ka sqaruar ngjarjen e cila ne fakt si perfundim ka rezultuar se ka qene gjithcka e sajuar prej saj. Ajo ka sqaruar se nuk eshte rrembyer dhe se nuk ka qene asnjehere shtatzene.

* * *


Policia e Tiranes ne deklaraten e saj per shtyp ka zbardhur ate qe fillimisht u quajt pengmarrja e 27-vjecares Griselda Roshi. Sipas policise, e cila ne bashkepunim me Prokurorine e Krimeve te Renda kishte ngritur dy grupe hetimore, Griselda Roshi nuk ka qene asnjehere shtatzene.


Ne njoftimin per shtyp, Policia e Tiranes ben te ditur se menjehere pas denoncimit te bere nga kunati i 28-vjecares ka filluar hetimet per rastin. Sipas policise, Griselda pas ndarjes nga mikja e saj, e cila ka deklaruar se Griselda dukej se ishte prane lindjes, ka marre nje taksi. Eshte marre ne pyetje shoferi i taksise, i cili ka deklaruar se me kerkese te saj e ka derguar ne hotel Broduej dhe ajo ne pamje te pare dukej shtatzene.


Policia ka marre ne pyetje punonjesit e hotelit, te cilet kane deklaruar se ne momentin e regjistrimit, ajo dukej shtatzene ne muajt e fundit. Sipas tyre, ajo ka marre nje dhome dhe ka qendruar atje e vetme deri rreth ores 01 30. Kur ka dale nga dhoma, Griselda nuk dukej shtatzene dhe ka marre nje tjeter taksi, e cila e ka cuar ne kliniken mjekesore IKEDA. Aty ajo eshte ankuar per te vjella dhe diarre dhe sipas deshmise se mjekut qe e ka trajtuar me serum, ajo nuk ishte shtatzene. Pas mjekimit, ajo ka marre serish nje taksi dhe eshte larguar nga klinika.


Policia per deklaraten e saj zyrtare eshte mbeshtetur edhe ne ekzaminimin qe iu be 27-vjecares nga Instituti i Mjekesise Ligjore sot paradite, i cili ka dale ne perfundimin se Griselda Roshi nuk ka qene asnjehere shtatzene.