Mijera emigrante tuniziane kane mberrutur kete fundjave ne Itali, shpallet gjendja e jashtezakonshme humanitare

Mijera emigrante ilegale nga Tunizia kane ardhur ditet e fundit ne ishullin italian te Lampeduzes. Qeveria e Romes i ka kerkuar ndihme Bashkimit Evropian. Brukseli duhet te dergoje pa vonuar ne Tunizi njesi te agjencise evropiane per mbrojtjen e kufijve, Frontex, te cilet duhet te patrullojne pergjate bregdetit shkruhet ne nje leter te ministrise se Jashtme ne Rome. Ministri i Brendshem, Maroni kerkon te mos i hape kampet e refugjateve ne Lampeduza, me gjithe gjendjen emergjente. Ai do t`i dergoje refugjatet ne kampe te tjera pritese ne Itali.

Sipas te dhenave te policise italiane, ne Lampeduza ndodhen aktualisht rreth 1200 refugjate anijesh, rreth 3 mije kane zbarkuar tre ditet e fundit ne ishull, 1 mije prej tyre naten duke gdhire dita e shtune, 12 shkurt. Lampeduza nuk e ka perjetuar kurre nje fluks te tille. Diten e shtune mberriti se fundi nje anije me 40 vete ne bord, kater anije te tjera ndodheshin ende ne det. Deti i qete eshte ne favor te lundrimit.

Gjendja u veshtiresua ne fundjave. Deri ne mbremjen e se premtes erdhen aq shume varka sa qe porti i ishullit u mbush plot dhe nuk kishte me vend per ankorim. Disa qindra vete duhet ta kalonin naten perjashta ne molin e portit. Qeveria italiane dergoi avione per t`i derguar refugjatet nepermjet urave ajrore ne brendesi te Italise. Diten e shtune mendohej qe 1600 vete te dergoheshin me nje traget ne Sicili. Ministri italian i Brendshem, Roberto Maroni tha se Italia eshte duke ndier pasojat e krizes politike ne Tunizi. Qindra vete nga keto vende vijne ne Itali. Ne jemi duke bere gjithcka qe te perballojme kete emergjence humanitare.

Keto fjale jane pak te tepruara, sepse ne fakt nuk po behet gjithcka dhe situata diten e djeshme ishte edhe me e rende. Ne Lampeduza ndodhet nje kamp prites per refugjatet, i cili eshte i pajisur mire dhe i gatshem per t`u hapur. Ketu mund te vendosen 850 refugjate, ne rast nevoje edhe deri ne 2 000. Por per shkak te arsyeve politike, ministri italian i brendshem, nje populist i djathte vazhdon ta mbaje kampin te mbyllur megjithese ai eshte ne dispozicion me gjithe personelin. Maroni kerkon dergimin e menjehershem te refugjateve ne qendra te tjera si Bari apo Crotone dhe nje nga arsyet mund te jete edhe largimi i refugjateve nga syte e publikut.

Shume varka refugjatesh duhet te qendrojne fillimisht ne temperaturen 8 grade dhe midis plehrave dhe jashteqitjeve, ne molin e portit. Te tjeret dergohen ne ndertesat shteterore, insitucionet fetare apo ne aeroport. Pjesa me e madhe e refugjateve jane djem nen moshen 30 vjecare, te gjithe nga Tunizia. Per shkak te tronditjeve politike ne portet tuniziane nuk eshte duke u kryer aktualisht asnje kontroll. Prandaj mendohet qe numri i refugjateve do te rritet. Shume organizata humanitare si dhe prifti i ishullit, i ka kerkuar qeverise te hape kampin e refugjateve.

Qeveria italiane ka shpallur diten e shtune gjendjen e jashtezakonshme humanitare, per te vene ne aktivitet mbrojtjen civile. Pervec kesaj do te forcohet edhe prezenca ushtarake ne Lampeduza.