Publikuar me : 30.11.2011 Ne :
Ekonomi dhe Biznes - 68 Lexime. Origjina : Gazeta Shekulli
KESH, OST dhe CEZ kërkojnë rritjen e çmimi të energjisë elektrike. Rritja e çmimit është kërkuar gjatë një seance dëgjimore të organizuar nga Enti Rregullator i Energjisë me grupet e interesit.
Sipas KESH-it, situata energjetike në vend është problematike për shkak të rënies së nivelit të ujit në hidrocentralin më të madh të vendit, atë të Fierzës.
KESH kërkon rritjen e çmimit nga 1.48 lekë në 5.05 lekë. OST ka kërkuar nga ana e saj rritje nga 0.6 lekë në 0.73 lek për kW, kurse CEZ propozon dy alternativa për rritjen e çmimit të energjisë: Rritjen e çmimit mesatarisht me 4.6 perqind, ose mosrritje të çmimit por likuidimin përfundimtar të borxhit mes CEZ-it, KESH-it dhe qeverisë.
Aktualisht niveli i ujit në Fierzë qëndron në 259.5 metër, shumë më e ulët se e njëjta periudhë e vitit të kaluar, çka ka bërë që KESH-i t’i drejtohet vendeve fqinje për import.
Sipas përfaqësuesve të KESH-it, rritja e çmimit do të sillte përmirësim të financave, çka do të lehtësonte furnizimin me energji elektrike.
Një ditë më parë, drejtori i KESH-it, Engjëll Zeqo u shpreh se vendi ka energji të siguruar vetëm për muajin dhjetor, në kushtet kur mungesa e reshjeve ka prekur gjithë rajonin.
Ndërkohë, rritja e çmimit u propozua edhe për ujin 4 ditë më parë. Ujësjellësi propozoi një rritje me 2/3 të çmimit të ujit, me argumentimin e investimeve në rrjet.
Biznesi shqiptar, foto arkiv
Krizën ekonomike ata po e ndjejnë gjithmonë e më shumë janë bizneset. Në bazë të të dhënave fiskale për 4 mujorin e këtij viti vërehet se tatim fitimi, i cili është pasqyrimi i ecurisë ekonomike të bizneseve, është ulur ndjeshëm. Shifrat e raportuara nga Ministria e Financave mbi ecurinë e treguesve fiskal tregojnë se përsëri zëri i të ardhurave nga tatimi mbi fitimin mbetet zëri më negativ, çka nënkupton krizën financiare që po...
