TIRANE - Vrases, Duam drejtesi, Kompensim per vuajtjen dhe Kriminelet nuk denohen. Keto ishin disa nga pankartat qe familjaret e viktimave te shperthimit te fabrikes se municioneve ne Gerdec, mbanin dje ne duar para Ministrise se Drejtesise gjate nje proteste gati nje oreshe.
Mes protestuesve, pervec familjareve te 26 viktimave te tragjedise se Gerdecit, kishte edhe te gjymtuar e plagosur e familjare te ketyre te fundit te cilet kerkuan denimin e atyre qe shkaktuan masakren e 15 marsit 2008.

Mes kerkesave te protestuesve, ishte edhe ajo per heqjen e imunitetit te deputetit Fatmir Mediu qe mban tashme portofolin e ministrit te Mjedisit dhe daljen e tij para drejtesise per akuzat e ngritura nga Prokuroria e Pergjithshme, por, qe jane pezulluar me vendim te Gjykates se Larte per shkak te imunitetit. Marshimi i protestuesve ka nisur nga rruga prapa muzeut Kombetar, per tu ndalur para Ministrise se Drejtesise dhe dyerve te Keshillit te Larte te Drejtesise.

Sapo jane afruar ne hyrjen kryesore te Ministrise se Drejtesise, protestuesit ne shenje indinjate derdhen boje te kuqe, qe simbolizon gjakun e viktimave te tragjedise se 15 marsit 2008 ne fshatin Gerdec e Marqinet te komunes Vore, rreth 10 km larg kryeqytetit.

Protesta gjate gjithe kohes, eshte mbikeqyrur nga forca te shumta policise se kryeqytetit, te cilat ishin vendosur ne forme kordoni para Ministrise se Drejtesise dhe rruges. Ky tubim protestues, erdhi vetem pak dite pasi Gjykata e Larte dhe me pas Gjykata e Shkalles se Pare ne kryeqytet, vendosen lirimin e te pandehurve te arrestuar per kete tragjedi, Mihal Delijorgji, Ylli Pinari, Dritan Minxholli dhe Sokol Ngjeci.

Lirimi i tyre, nga masa e sigurise arrest me burg ne masen shtrenguese arrest shtepie erdhi pasi, sipas togave te zeza, kane perfunduar afatet e paraburgimit 12 mujor te qendrimit te tyre ne qeli pa dhene nje vendim fajesie apo pafajesie. Sipas Kodit te Procedures Penale, te paraburgosurit qe ndodhet i izoluar nen masen e sigurise arrest me burg nese brenda nje afati 12 mujor nuk i jepet nje vendim i formes se prere, i ndryshohet masa e sigurise ne arrest shtepie.

Procesi gjyqesor ndaj te pandehurve te kesaj tragjedie, ndodhet ne fazen e provave shkresore te prokurorise, por zvarritja e shqyrtimit gjyqesor nga avokatet eshte bere shpesh shkak per shtyrje te ketij procesi gjyqesor qe ka filluar qe ne qershor te vitit 2009.

Nderkaq, nga ana tjeter Juliana Margariti, me ane te nje kerkese dorezuar prane Gjykates se Shkalles se Pare, kerkoi dje perjashtimin e treshes gjykuese te kryesuar nga gjyqtari Ridvan Hado dhe anetaret Shefkije Demiraj e Fatmira Hajdari, per vendime te njeanshme.