Publikuar me : 25.11.2011 Ne :
Politike - 25 Lexime. Origjina : Gazeta Shekulli
Këshilli Bashkiak i Fierit ka zhvilluar sot mbledhjen e radhës me pjesëmarrjen e 16 anëtarëve të Aleancës për të Ardhmen dhe 2 të Aleancës për Qytetarin. Përfaqësuesit e AQ e kanë argumentuar pjesëmarrjen e tyre në mbledhje me detyrën për t’u përgjigjur si këshilltar, pasi sot miratohet projektvendimi për ndihmën ekonomike për familjet e varfra.
Përfaqësuesi i Partisë Republikane është shprehur se çështja e këshillit bashkiak është ende në gjykatë dhe ende nuk është vendosur se cili është kryetari i këshillit bashkiak, por çështjet më problematike që shqetësojnë qytetin duhet të zgjidhen menjëherë.
Në nisje të mbledhjes, zv.kryetari i këshillit bashkiak, Sokrat Ikonomi, u shpreh i shqetësuar për gjendjen e krijuar në këshillin bashkiak, i cili prej 3 muajsh nuk është mbledhur dhe kjo është në dëm të qytetarëve fierakë e në mënyrë të veçantë për familjet që marrin ndihmë ekonomike. Mbledhja ka vijuar normalisht me miratimin e te gjitha pikave të parashikuara në rendin e ditës. Më vonë, asaj i janë bashkuar edhe dy përfaqësues të PD-së.
Mbledhja është drejtuar nga zv.kryetari i këshillit bashkiak, Sokrat Ikonomi, pasi çështja e kryetarit është në gjykate dhe seanca e radhës do të zhvillohet në 30 nëntor. /
K. Thana
Avokati i Popullit, Igli Totozani
Avokati i Popullit, Igli Totozani, është shprehur se personat që hyjnë në kategorinë e shtresave në nevojë t’i bëhet trajtimi falas përmes ndihmës ligjore . Në tryezën e rrumbullakët mbi perspektivën e ndihmës ligjore në Shqipëri, Totozani kërkoi bashkëpunim të ngushtë të institucioneve.
“Institucioni i Avokatit të Popullit, është maksimalisht i angazhuar për të garantuar të drejtat dhe liritë themelore, sidomos garantimin e...
