Debati mes paleve dhe pikat ku priten nderhyrje ne ligj

Rregullimi ligjor i çeshtjes se financimit te partive politike pritet te konkretizohet ne muajin shtator. Burimet prane dy partive kryesore sqarojne se komisioni parlamentar per reformen zgjedhore do mund t‘i jape udhe ketij debati, duke caktuar rregullat e lojes. Diskutimet aktualisht jane perqendruar te menyra e nderhyrjes ne ligj. Nje variant permban krijimin e nje ligji te veçante per financimin e partive ne periudha zgjedhore dhe jashte tyre. Opsioni tjeter eshte ai i nderhyrjes me amendime ne Kodin Zgjedhor per sa u takon shpenzimeve ne fushata dhe krijimi i nje ligji qe sherben si rregullator per pjesen tjeter te veprimtarise se partive jashte fushatave.

Debati

Burimet nga komisioni i reformes sqarojne se ne momentin e skicimit te axhendes se punes eshte hedhur çeshtja e financimit. Mesohet se nga Keshilli i Ministrave ekziston vullneti i hartimit te ligjit dhe eshte punuar ne kete drejtim. Drafti ende ne perpunim e siper nuk eshte bere publik, por mund te kthehet ne objekt pune per anetaret e komisionit te posaçem. Do te jene deputetet e shumices dhe pakices ata qe do te vendosin nese do krijojne nje ligj qe permbledh gjithe aspektet e financave per partite, ose do realizohen nderhyrje te ndara nga njera-tjetra. Parimisht mesohet se nga anetaret e shumices ne komision eshte pranuar hartimi i vetem nje ligji, ndersa pritet pergjigjja e perfaqesuesve te opozites. Ajo çka vlen per t‘u theksuar eshte nje lloj konsensusi edhe ne distance mes paleve per te nderhyre ne kete mekanizem te financimit.

Nderhyrja

Nje prej objektivave ne nderhyrjen qe po programohet ne kuader te financimit eshte vendosja e rregullave per donacionet. Ne kete drejtim ka shume ide, por qe konkludojne te qellimi per te bere sa me te besueshem deklarimin e kontributit te subjekteve apo personave ne drejtim te partive politike. Synohet qe te sanksionohen edhe masa qe kushtezojne llojin e donacioneve, shumen e tyre, deri edhe statusin juridik te atyre qe i japin. Nje opsion parashikon rritjen e normes se dhurimit dhe theksimin e faktit se donatore nuk mund te jene biznese qe kane perfituar tendera publike per nje kohe te caktuar. Kufizimi nga perfitimi i tenderave mendohet te behet ne kohe para financimit dhe pas financimit qe i behet partise nga subjekti i biznesit. Tjeter drejtim ku perqendrohet debati eshte mekanizmi i auditit dhe transparences se transaksioneve financiare qe bejne partite ne periudhe fushate apo jashte saj. Edhe ne kete drejtim jane menduar disa alternativa qe nga krijimi i nje institucioni te posaçem, qe merret me auditin e financave te partive, deri te sanksionimi ne ligj i detyrimit te partive per te bere publike dokumentet financiare. Nje mundesi qe pritet te debatohet eshte edhe detyrimi qe ka Drejtoria e Tatimeve per te kontrolluar veprimtarine financiare te subjekteve politike. Nisma gjithsesi do te synoje te zhvendose transaksionet financiare te partive drejt sistemit bankar prej ku edhe mund te kontrollohet me lehte.